Осеменатордар аны сайыҥҥа диэри туттар матырыйаалынан хааччылыннылар

Ааптар: 
Бөлөххө киир:

Сүөһү боруодатын тупсарар племенной үлэ ынаҕы ускуустубаннайдык буоһатыыттан улахан тутулуктаах.

edersaas.ru.

Саха өрөспүүбүлүкэтигэр племенной үлэни тэрийиинэн, ынах сүөһүнү буоһатыынан «Сахаагроплем» судаарыстыба бүддьүөтүн тэрилтэтэ (салайааччы Алексей Жирков) идэтийэн дьарыктанар. Тэрилтэ 300-тэн тахса тиэхиньик-осеменаторынан былырыын 25 тыһыынча ынаҕы сиэмэлэппитэ. Быйыл бу көрдөрүүтүн өссө тупсарар туһугар үлэлии сылдьар. Тоҕо диэтэххэ, сүөһүттэн ылыллар бородууксуйаны улаатыннарар сыалтан, кэлэр өттүгэр ыанар ынах 60 %-ын искусственнайдык буоһатар таһымҥа тахсар ирдэнэр.

Элбэх сүөһүлээх племенной хаһаайыстыбалар силиэксийэлиир-племенной үлэни ирдэниллэр быраабыла быһыытынан ыыталлар, ынахтарын 100 %-ын искусственнайдык буоһаталлар, боруода ыччат сүөһүнү атын хаһаайыстыбаларга атыылыыллар. Оттон атыттар (табаарынай, бааһынай хаһаайыстыбалар, кэтэх ыаллар) биллэн туран, мөлтөх төрүөхтээх уонна аҕыйах үүттээх ынаҕы иитиэхтэрин баҕарбаттар, инньэ гынан, искусственнай сиэмэлээһининэн туһаналлар.

— Коронавирус дьаҥынан сибээстээн, дьиэҕэ да олордорбут тустаах үлэбитин толоро, хаһаайыстыбалары кытары билсэ, сибээстэһэ олоробут, – диир «Сахаагроплем» искусственнай сиэмэлээһини тэрийиигэ эппиэттээх исписэлииһэ Татьяна Протопопова. – Хата харантыын буолуон иннинэ кыл-мүччү Бүлүү эҥээр улуустарга искусственнай сиэмэлээһиҥҥэ наадалаах тэриллэри, 38 000 доза боруода оҕустар сиэмэлэрин уонна 20 туонна убаҕас азоты ыыппыппыт. Онон, ити улуустар тиэхиньик-осеменатордара  бэс ыйыгар, ол эбэтэр уу суола аһыллыар, диэри туттар матырыйааланнылар.

Раиса Сибирякова, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0