Атырдьах ыйын 14 күнүгэр Якутия24 ханаал иһитиннэрбитинэн, Орто Халыма куоратын кытыытыгар тыатааҕы 1951 с.т. эр киһиэхэ саба түспүтүн туһунан иһитиннэриини таһаарбыттара.
Биһиги тута Орто Халыма олохтоохторугар сибээскэ тахсан эмсэҕэлээбит киһи дьонун буллубут. Миигин кытта эмсэҕэлээччи кэргэнин сиэн быраата Иван Белоногов кэпсэттэ. Кини уопсай балаһыанньаны маннык билиһиннэрдэ: «Эдьиийим кэргэнэ М. эчэйиитэ улахан. Ол да буоллар, хата, дабылыанньата уонна сүрэҕин тэбиитэ кэминэн. Кэпсэтэр, аһыыр туруктаах. Инникитин элбэх эпэрээссийэ күүтэр. Бүгүн булчуттар эбиэт кэннэ тыатааҕыны бултаһа тахсаллар», — диэн кэпсээтэ.
Кини биһиэхэ тыатааҕы саба түспүт сирин картаҕа кыһыл туочуканан бэлиэтээн ыытта.
Ульяна Захарова, edersaas.ru
+1
+1
+1
+1
+1
+1
+1