Орто Халыма улууһугар үс пааматынньыгы олохтоохтор бэйэлэрин үптэринэн саҥардан оҥордулар. Бу туһунан эрэгийиэн култуура эбийиэгин харыстабылыгар департаменын пресс-сулууспата иһитиннэрэр.
«Култуура наследиетын статуһа суох пааматынньыктар да буоллаллар, Орто Халыма олохтоохторун үтүө көҕүлээһиннэрэ «Сохраним памятники» бырайыакка киириэҕэ», — диэн иһитиннэриигэ суруйбуттар.
Оройуоннааҕы «Саханефтегазсбыт» үлэһиттэрэ Орто Халыма 350 сааһыгар туруоруллубут киириигэ турар пааматынньык тас көстүүтүн тупсардылар.
Оттон оройуоннааҕы балыыһа кэлэктиибэ быраас Сергей Иванович Мицкевич пааматынньыгын өрөмүөннээтилэр. Манна туттуллубут үп араас дьаарбаҥкалары, кэнсиэрдэри тэрийии түмүгэр мунньуллубут. Миэдиктэр пааматынньык сирин-уотун оҥорбуттар, керамогранит туруорбуттар, уот тардыбыттар.
ОДьКХ үлэһиттэрэ «Орто Халыма — 350 сааһа» пааматынньык турар сирин бетоннаабыттар, кырааскалаабыттар, сибэкки олордубуттар.
edersaas.ru
+1
+1
+1
+1
+1
+1
+1