Онкология диспансерын үбүлээһин – сыл биир улахан ситиһиитэ

Бөлөххө киир:

2019 сылга “Доруобуйа харыстабыла” национальнай бырайыагы олоххо киллэрии чэрчитинэн, 9 эмтиир тэрилтэ базатыгар онкология амбулаторнай көмөлөрө баар буоллулар. Дьокуускай куорат 1 №-дээх поликлиникатыгар, куорат 2 уонна 3 №-дээх балыыһаларыгар, Дьокуускай куораттааҕы медицина киинигэр, Алдан, Мэҥэ Хаҥалас, Нерюнгри, Мирнэй, Ньурба улуустарын киин балыыһаларыгар нэһилиэнньэ ити көмөнөн туһанар буолла.


СӨ Доруобуйа харыстабылын министиэристибэтэ иһитиннэрбитинэн, 2024 сылга диэри улуустарга онкология 15 амбулаторнай киинэ аһыллыаҕа. Улуустарга онкология амбулаторнай көмөтүн тэрийии сыалынан-соругунан ыарыыны чопчу быһаарыы буолар. Сүрүн көрдөрүүнэн, искэн ыарыыттан өлүү ахсаанын аҕыйатыы буолуохтаах.
2019 сыл тохсунньу-балаҕан ыйдарыгар, 2018 сыл бу кэмин кытта тэҥнээтэххэ, искэнтэн өлүү ахсаана 1,6%, оттон РФ көрдөрүүтүн кытта тэҥнээтэххэ, 27,7% намтаабыта бэлиэтэннэ.
Өрөспүүбүлүкэ баһылыга Айсен Николаев уонна бырабыыталыстыба федеральнай киинин кытары хардарыта бииргэ үлэлээһиннэринэн, биһиги дойду судаарыстыбаннай бүддьүөтүттэн Дьокуускай куоракка онкология киинин тутууну үбүлээһини ситистибит. Федерация бүддьүөтүттэн 5,9 млрд кэриҥэ солкуобай бэриллиэҕэ уонна 2023 сылга Саха сирэ күҥҥэ 210 киһи сылдьар поликлиникалаах, 180 куойкалаах, радиология отделениелаах уонна хаһаайыстыбаннай блоктаах онкология кииннээх буолуоҕа”, — диэн СӨ доруобуйа харыстабылын миниистирэ Елена Борисова быһааран эттэ.
Манна даҕатан эттэххэ, “Онкопоиск” аахсыйаҕа 60 тыһыынчаттан тахса киһи бэрэбиэркэлэппититтэн, 2000 киһи эбии чинчийиигэ ыытылынна.
2019 сылга федеральнай сөбүлэһии чэрчитинэн, онкология диспансера 34 эмтиир тэрилинэн эбилиннэ. Онно ультразвуковой диагностика, реанимация отделениета, эпэрээссийэлэри оҥорорго эндовидеоскопическай комплекстар, лаборатория анализатордара, хирургия тэриллэрэ уо.д.а. киирэллэр.

Надежда ЕГОРОВА, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0