Иркутскай уобаласка уонна Саха сиригэр ыытыллар #СохранимЛес аахсыйа чэрчитинэн «ОНФ ыччата» хамаанда кыттааччылара өрөспүүбүлүкэбитигэр 4 тыһ. маһы олордуохтара. Аахсыйа балаҕан ыйын 14 күнүгэр Дьокуускайга Бүлүүлүүр суол 44-с км баар быраҕыллыбыт карьерга ыытыллыаҕа.
«Аахсыйа тыа фондун чөлүгэр түһэрэр сыаллаах ыытыллар. Бу карьер тыа федеральнай фондун сиригэр турар. Урут манан баһаар буолбут, онон саҥа мастар үүнэн эрэллэр эбит. Аахсыйаҕа үөрэнэр ыччаты кытта үлэһиттэр эмиэ кыттыыны ылыахтара. Хонуу куукуната баар буолуоҕа. Кыттыһыан баҕалаахтары ыҥырабыт», — диэн «ОНФ ыччата» хамаанда кыттааччыта Сергей Глушков кэпсиир.
Аахсыйа балаҕан ыйын 14 күнүгэр сарсыарда 9 чаастан саҕаланыаҕа. Билсэр төлөпүөҥҥүт: 8(964)422-66-66.
edersaas.ru
+1
+1
+1
+1
+1
+1
+1