Джиддаттан Маскакка көтөн испит сөмөлүөккэ пассажир өллө. Бу туһунан Oman Air авиа-хампаанньа сайабылыанньатыгар сигэнэн, РИА Новости иһитиннэрэр.
Роман Попов, “Саха сирэ” хаһыат, https://edersaas.ru
Киһи ыалдьыбыта биллээтин кытта, 674-с рейс чугастааҕы Саудовскай Аравия киин куората Эр-Рияд аэропордугар салаллыбыта. Сөмөлүөт түһээтин кытта быраастар ыарыһахха көмө оҥордулар, ол эрээри кыайан быыһаабатылар. Сөмөлүөккэ 197 пассажир баара.
Маныаха майгынныыр түбэлтэ аҕыйах хонуктааҕыта Москваттан Дьокуускайга көтөн испит S7 авиа-хампаанньа сөмөлүөтүгэр буолбута. Ол туһунан edersaas.ru сиһилии иһитиннэрэн турар.
Тохсунньу 15 күнэ үүнэр түүнүгэр S7 авиа-хампаанньа 107-с Домодедово — Дьокуускай рейсигэр Саха сирин эмчиттэрэ — Фтизиатрия НПК реанимацияҕа фельдшерэ Александр Алексеев уонна Хаҥалас улууһун киин балыыһатын медицинскэй сиэстэрэтэ Любовь Данилова — суһал көмө оҥорон эмискэ ыалдьыбыт киһини өрүһүйбүттэрэ.
Билигин ыарыһах Дьокуускай куораттааҕы клиническэй балыыһаҕа сытар, туруга этэҥҥэ, үрүҥ тыынын өрүһүйбүт үрүҥ халааттаах аанньалларыгар махталын этэр.
Роман Попов, “Саха сирэ” хаһыат, https://edersaas.ru