Хой. Бу нэдиэлэ чэпчэкитэ суохтук ааһыаҕа, ол эрээри төһө да ыарахаттары аастаргыт барыта этэҥҥэ буолуоҕа. Олунньу 21 күнүттэн туоххут барыта табыллан, орун-оннугар түһүөҕэ. Чугас дьоҥҥутун кытта көрсүҥ. Үлэҕитигэр үгүһү кэпсэтэ сатаамаҥ, тылга-өскө киирэн биэриэххит.
Оҕус. Сулумах сылдьар дьон олоххут аҥаарын көрсөргүтүгэр тоҕоостоох кэм кэлбит диэн сулустары кэтээн көрөөччүлэр иһитиннэрэллэр. Аналгыт аттыгытыгар баарын, баҕар, бэлиэтии көрө иликкит буолуо. Бу нэдиэлэҕэ уруккуттан аалар кыһалҕаларгытын быһаарыаххыт.
Игирэлэр. Үлэҕитигэр бэйэҕитин көрдөрөргүтүгэр кыах көстүөҕэ, ону куоттарымаҥ. Барытыгар инники күөҥҥэ сылдьа сатааҥ. Бэйэҕитигэр эрэллээх буолуҥ. Дьиэҕитигэр, чугас дьоҥҥутугар болҕомтоҕутуҥ ууруҥ, мөккүһүмэҥ, этиһимэҥ.
Араак. Эрэммэккитин, чуолкай билбэккитин мээнэ кэпсээмэҥ. Эппит тылларгытын туһанан хом санаалаах дьон туһаныахтарын, ааккытын хараарда сатыахтарын сөп. Сынньаныҥ, өрөбүллэри туһалаахтык атаарыҥ.
Хахай. Буолуохтаах түгэни ыксатымаҥ, бэйэҕит эмиэ ханна да ыксаамаҥ. Докумуон толороргутугар, илии баттыыргытыгар сэрэхтээх буолуҥ. Бу ый 18 чыыһылата тапталы түстүүр диэн сулустар кэпсииллэр.
Кыыс. Кыбыстыылаах балаһыанньаҕа уган биэриэхтэрин сөп, сэрэхтээх, болҕомтолоох буолуҥ. Бу нэдиэлэҕэ харчыгыт халыаҥыа, үпкүт үксүө диэн сулустары кэтээн көрөөччүлэр билгэлииллэр.
Ыйааһын. Бэйэҕитин атын эйгэҕэ холонон көрөрөгө тоҕоостоох кэм кэлбит. Баҕар, сөбүлүүр дьарыккытын булуоххут, үлэҕитин да уларытыаххытын сөп.
Скорпион. Талааҥҥытын арыйаргытыгар, көрдөрөргүтүгэр ааттаах нэдиэлэ үүммүт. Бииргэ үлэлиир дьоҥҥутун кытта наһаа чугасаһымаҥ. Аймахтарытыгар, дьиэ кэргэҥҥитигэр болҕомтоҕутун ууруҥ, бииргэ күүлэйдээҥ, сынньаныҥ.
Охчут. Уруккуттан санана сылдьыбыккытыгар бириэмэ булуоххут, барыта табыллыаҕа. Олоххутугар уларыйыылар киирэллэригэр бэлэм буолуҥ. Бэйэҕит тас көстүүгүтүгэр, таҥаскытыгар-сапкытыгар болҕомтоҕутун ууруҥ.
Чубуку. Олоххутугар туох эмит үчүгэй буолуон баҕарар буоллаххытына кимтэн да тутуллумаҥ, бэйэҕит кыһаныҥ. Дьиэ кэргэҥҥитин кытта этиһиэххитин, мөккүһүөххүтүн сөп. Харчы суох буоллаҕына, кирэдьииккэ да киириҥ диэн сулустар билгэлииллэр.
Күрүлгэн. Олоххутугар туох да буолбутун иһин туохтан да долгуйумаҥ, кэлин тиһэҕэр барыта эһиги баҕарбыккыт курдук буолуоҕа диэн сулустар кэпсииллэр эбит. Ый бүтүөр диэри үлэҕитигэр баар кыһалҕалары быһаарса сатааҥ.
Балыктар. Олоххут биир тэҥник баран иһэр. Бу кэмҥэ эһиги сынньаныҥ уонна чугас дьоҥҥутун кытта буола сатааҥ. Кими да кытта мөккүөргэ, айдааҥҥа киирэн биэримэҥ. Харчыгытын толкуйдаан туттуҥ.
edersaas.ru