Олохтоох каадырдары — бырамыысыланнаска!

Ааптар: 
Бөлөххө киир:

Сарсын, балаҕан ыйын 12 күнүгэр, Дьокуускайга  ньиэп-гаас комплексыгар үлэ миэстэтигэр дьаарбаҥка буолуоҕа.


Дьаарбаҥка «Олохтоох каадырдары — бырамыысыланнаска» эрэгийиэннээҕи бырагыраама иитинэн ыытыллар. Бу Саха сиригэр үлэлиир бөдөҥ промышленнай хампаанньаларга олохтоох нэһилиэнньэни үлэлэтэр өрөспүүбүлүкэ салалтатын  сыаллаах-соруктаах үлэтэ.

Бэлиэтээн эттэххэ, 2018 сыл түмүгүнэн, бырамыысыланнас хампаанньаларыгар 5726 киһи үлэҕэ ылыллыбытыттан, 2357 -тэ 30-гар диэри саастаахтар, 1782 киһи тыа сирин дьоно. Бырайыак чэрчитинэн ирдэнэр идэлэргэ үөрэнэргэ үлэтэ, дьарыга суох 879 киһи ыытыллыбыт.  «Олохтоох каадырдары — бырамыысыланнаска» бырайыакка барыта 22 хампаанньа кыттар. 2019 сыл бастакы аҥарыгар, бырайыагы олоххо киллэрии чэрчитинэн 3234 киһи, итинтэн 30-гар диэри саастаах 1313 ыччат, 1252 баахтанан үлэҕэ, итинтэн 895 киһи тыа сириттэн үлэнэн хааччыллыбыттар.

2019 сыл от ыйын 22 күнүгэр СӨ Бырабыыталыстыбатын «СӨ сиригэр-уотугар 2019-2024 сылларга хаһаайыстыбаннай үлэнэн дьарыгырар бырамыысыланнас тэрилтэлэригэр гражданнары үлэнэн хааччыйыы» дьаһалынан былаан бигэргэтиллибитэ. Ол иһигэр баахтанан үлэҕэ уонна 2019-2024 сылларга гражданнары профессиональнай үөрэхтээһиҥҥэ эмиэ.  Оттон 2024 сылга диэри бырамыысыланнас 27 тэрилтэтигэр 27 487 киһини үлэнэн хааччыйыы былааннанар.

Дьаарбаҥкаҕа «Газпром трансгаз Томск», «Газпром добыча Ноябрьск», «Таас-Юрях нефтегазодобыча» ХЭУо, «Сахатранснефтегаз», «Саханефтегазсбыт», «РНГ»АУо, «Якутская топливно-энергетическая компания» ПАУо кыттыахтара. Дьаарбаҥканы Нэһилиэнньэ дьарыктаах буолуутун судаарыстыбаннай кэмитиэтэ, «Газпром» ПАУо, М.К.Аммосов аатынан ХИФУ тэрийэллэр.

Дьаарбаҥка балаҕан ыйын 12 күнүгэр 14.00-17.00 чааска диэри Кулаковскай аатынан уулусса 48 №-гэр, (ХИФУ КФЕН) буолар.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

+1
0
+1
0
+1
0
+1
0
+1
0
+1
0
+1
0