Хас сыл аайы сэтинньи 25 күнүгэр өрөспүүбүлүкэбитигэр Олоҥхо күнүн өрө көтөҕүллүүлээхтик бэлиэтиибит. Үтүө үгэс быһыытынан, бу күнтэн саҕалаан Олоҥхо декадата биллэриллэр. Быйылгы декада сэтинньи 25-ахсынньы 10 күннэригэр киэҥ, эгэлгэ бырагыраамалаахтык, далааһыннаахтык ыытыллар.
edersaas.ru
Саха сирин улуустарынан, куораттарынан тэрээһиннэр хайыы үйэ саҕаламмыттара.
Оттон күн бэҕэһээ, сэтинньи 24 күнүгэр, Саха Өрөспүүбүлүкэтин Национальнай бибилэтиэкэтигэр «ОЛОҤХО ДЬЫКТААНА» диэн саҥа, сонун тэрээһини М.К. Аммосов аатынан ХИФУ Олоҥхо института уонна Национальнай бибилэтиэкэ тэрийэн ыыттылар.
— Олоҥхо Дьыктаанын, бастакы күн, уопсайа 80-ча кэриҥэ киһи кэлэн суруйда. Бу тэрээһиҥҥэ быйыл, ыҥырыыны ылынан, өйөөн, «Амма Түмсүү» чилиэттэрэ олус көхтөөхтүк кытыннылар, — диэтэ “Ыччат олоҥхоһут” өрөспүүбүлүкэтээҕи уопсастыбаннай түмсүү бэрэсидьиэнэ, филологическай наука кандидата Юрий Борисов.
Бүгүн “ОЛОҤХО дьыктаанын” оскуола оҕолоро суруйаллар.
Татьяна Маркова, edersaas.ru
+1
+1
+1
+1
+1
+1
+1