Ольга Балабкина: «Сунтаар быраастара коронавируһу кыайдылар»...
Олох-дьаһах

Ольга Балабкина: «Сунтаар быраастара коронавируһу кыайдылар»

Өрөспүүбүлүкэтээҕи суһал ыстаап бэрэссэдээтэлэ Ольга Балабкина иһитиннэрбитинэн, бүгүҥҥү күҥҥэ толору харантыын эрэсиимэ Нам улууһугар эрэ баар.

edersaas.ru

— Бу улууска хантаактаспыт дьону барыларын буллубут ини диэн эрэнэбит. Нам сэлиэнньэтигэр ыалдьыбыт дьон хантаактара бэрэбиэркэлэнэр. Мииринэй, Нерюнгри, Ленскэй, Алдан оройуоннарыгар үксүн кэлии дьон, үлэһиттэр ыалдьар эбит буоллахтарына, Мэҥэ Хаҥалас улууһугар олохтоохтор ыарыйдылар. Онон хантаактарын буларга уустуктардаах буолла. Улуус ыстаабын кытта күүскэ үлэлэһэн, сарсын хантаактары барыларын буларга, салгыы тарҕамматын ситиһэргэ үлэ барар.

Сунтаар улууһугар бу күннэргэ  инфекционнай балыыһаттан аҕыйах хаалбыт киһи тахсыахтаах. Сунтаар быраастара тастан көмөтө суох, бу уодаһыннаах ыарыыны кыайдылар, онон баахта үлэһиттэрэ кинилэргэ улахан махталлаах буолуохтаахтар, — диэн Ольга Балабкина брифинг кэмигэр кэпсээтэ.

Санатар буоллахха, ыам ыйын 27 күнүнээҕи туругунан,  коронавируһунан 1529 киһи ыарыйда, 587 киһи үтүөрдэ, 7 киһи суорума суолланна.

Ангелина Васильева, “Саха сирэ” хаһыат, edersaas.ru

Хаартыска: интэриниэттэн.

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

шестнадцать + 9 =