Ольга Балабкина: «Хоту улуустарга быраастар наадалар»

Ааптар: 
Бөлөххө киир:

СӨ бырабыыталыстыбатын бэрэссэдээтэлин солбуйааччы Ольга Балабкина, атырдьах ыйын 8 күнүгэр Суһал ыстаап күннээҕи брифинин үгэс быһыытынан сарсыарда 11 чааска ыытта.

edersaas.ru

— Атырдьах ыйын 7 күнүн чахчыларынан, Саха сирин үрдүнэн сууккаҕа 57 киһи ыалдьыбыта бэлиэтэннэ. Олортон 44 киһи Дьокуускай куорат олохтооҕо. 4 киһи Хаҥалас улууһугар, 2 киһи Сунтаар улууһугар, онтон да атын улуустарга биирдиилээн дьаҥҥа сутуллуу түгэннэрэ бэлиэтэннилэр.

Ольга Валерьевна Дьокуускайга ыарыы тарҕаныыта сүрүннээн бииргэ үлэлиир дьон ортотугар тарҕанар сибикилэммитин эттэ. Онон дьиэттэн үлэлиир эрэсиими кытаанахтык тутуһарга, тэрилтэҕэ үлэлиир кэлэктииптэр санитарнай дьиссипилиинэни күүһүрдэллэригэр ыҥырда.

Ордук тоһоҕолоон кэлэн иһэр үөрэх дьылыгар тохтоон ылла.

— Биһиги өрөспүүбүлүкэбитигэр үөрэҕирии олохпут биир сүрүн приоритета буолар. Онон үөрэх сыла урукку эрэсиимигэр киирэригэр улахан кыһамньыбытын ууруох тустаахпыт. Саас, сайын төһө даҕаны дьаҥ үгэннээн турбутун иһин, үөрэх дьыла этэҥҥэ түмүктэммитэ, оҕолор БКЭ-ни туттарбыттара. Билигин хайдах быһыылаахтык оҕолору үөрэххэ киллэрэрбитин быһаарыахтаахпыт. Баҕар сорох оҕолору диспансеризациялаан, профосмотр ыытан ыарыы тарҕаныытын хааччахтыы сатыахпыт.

Ольга Балабкина ыарыы тарҕаныытын биир өттүнэн уоппускаҕа сынньанан кэлээһин буолуон сөбүн ыйда. Олох бу өттүгэр дьон сэрэхтээх буолалларыгар ыҥырда.

Брифинг түмүгэр Ольга Валерьевна хотугу улуустарга эмчит тиийбэт кыһалҕатын туһунан кэпсээтэ. Маны быһаарар сыалтан Алдан мэдиссиинискэй кэллиэһэр 12 миэстэ Аллараа Халымаҕа үлэлии барар устудьуоннарга ананан эбиллибитин кэпсээтэ. Миэдик үөрэхтээх, үлэлиэн баҕалаах дьону арктическай улуустарга үлэлии тиийэллэригэр ыҥырда.

Егор Карпов, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0