Ойуурга наркотигы туттууга уорбаланааччылары туттулар...
Бэрээдэк - Олох-дьаһах

Ойуурга наркотигы туттууга уорбаланааччылары туттулар

Росгвардия управлениетын Тас тэрилтэлэри харабыллыыр отделын (ОВО) полицейскайдара патруллуу сылдьан, Дьокуускай куорат тыатыгар массыына турарын көрбүттэр.

edersaas.ru

Бу «Судзуки Кей» суоппара Росгвардия массыынатын көрөөт, тута миэстэтиттэн хоҥнубут. Ол иһин полицейскайдар массыынаны тохтотон, бэрэбиэркэлииргэ быһаарыммыттар.

Бэсиэдэ кэмигэр сотрудниктар массыынаҕа олорооччулар ньиэрбинэйдииллэрин, аат-харата эрэ эппиэттииллэрин өйдөөн көрбүттэр. Оттон массыына иһигэр хабаххай сыт баар эбит.

Итинэн сибээстээн, росгвардеецтар Дьокуускай куорат полициятын наркотигы эргитиини утары охсуһар отделын оперативниктарын ыҥырбыттар.

Олор кэлэннэр, массыына иһин бэрэбиэркэлээбиттэрин түмүгэр, наркотик тардарга туттуллар тэриллэри уонна маҥан бороһуоктаах биэс пакетигы булбуттар.

Тутуллубут дьону — Красноярскай кыраайтан төрүттээх 30 саастаах киһини, киин куорат 33 саастаах олохтооҕун уонна 28 саастаах дьахтары — полиция отделыгар илдьибиттэр.

Бу туһунан РФ Росгвардиятын федеральнай сулууспатын Саха сиринээҕи управлениетын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: РФ Росгвардиятын федеральнай сулууспатын Саха сиринээҕи управлениетын пресс-сулууспата.

0
1

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

один + четырнадцать =