Ойуур баһаарын умулларыы дьаһалларын толорботоххо, эппиэтинэс көрүллэр...
Бэрээдэк - Олох-дьаһах

Ойуур баһаарын умулларыы дьаһалларын толорботоххо, эппиэтинэс көрүллэр

Бу сыл кулун тутар 18 күнүгэр тахсыбыт 29 №-дээх федеральнай сокуонунан РФ Административнай сокуону кэһиилэр тустарынан кодексатыгар саҥа 8.32.3 диэн ыстатыйа эбиллибитэ.

edersaas.ru

Бу ыстатыйаҕа олоҕуран, дуоһунастаах сирэйдэргэ, уурбаанньыттарга уонна юридическай сирэйдэргэ Российскай Федерация субъегар ойуур баһаарын умулларыыга түмүллүбүт былаанынан көрүллүбүт дьаһаллары толорботоххо, административнай эппиэтинэс — ыстарааптааһын — киирбитэ.

Накаастабыл миэрэтин кээмэйэ:

дуоһунастаах сирэйдэргэ – 15.000-тан 25.000-ҕа диэри сууммалаах ыстараап, уурбаанньыттарга – 30.000-тан 50.000-ҕа диэри сууммалаах ыстараап, юридическай сирэйдэргэ – 150.000-тан 250.000-ҕа диэри сууммалаах ыстараап.

Өскөтүн сокуону кэһии уоттан сэрэхтээх буолуу эрэһиимин кэмигэр биитэр ыксаллаах быһыы-майгы эрэһиимин кэмигэр оҥоһуллар түгэнигэр, дуоһунастаах сирэйдэргэ ыстыраап кээмэйэ 40.000-ҕа диэри, уурбаанньыттарга 70.000-ҕа диэри итиэннэ юридическай сирэйдэргэ 300.000-ҕа диэри улаатар.

Бу федеральнай сокуон 2019 сыл кулун тутар 29 күнүттэн күүһүгэр киирбит.

Вячеслав Андреев, 

Чурапчы улууһун борокуруорун э.т., юстиция сүбэһитэ.   

Хаартыска: интэриниэттэн.

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

5 × два =