Обсерватор өҥөтө наада буолбатар…

Бөлөххө киир:

Бу күннэргэ Азия дойдуларыттан кэлбит 22 киһи ОРВИ ыарыытын сибикитинэн мэдисиинискэй көмөҕө наадыйда. Кинилэртэн 13 киһи анаалыһа чопчуланна, оттон 9 киһи анаалыстарын түмүгүн күүтэр.

edersaas.ru

Бу туһунан СӨ доруобуйа харыстабылын миниистирэ Елена Борисова уонна Оҕо сыстыганнаах ыарыыларыгар клиническэй балыыһа кылаабынай бырааһа Владимир Богдашин гириип уонна ОРВИ ыарыыларга билиҥҥи туругу сыаналыылларыгар эттилэр.

“11 киһи эмчиттэр кэтээн көрүүлэригэр сылдьар. Баскыһыанньаҕа аһыллыбыт обсерватор өҥөтүгэр наадыйыы билиҥҥитэ суох. Бу күннэргэ эмтиир тэрилтэлэри эрэ кытары буолбакка, Ыксаллаах быһыы-майгы министиэристибэтин уонна Роспотребнадзоры кытары холбоһуктаах үөрэх ыытыллыаҕа”, — диэтэ миниистир Елена Борисова.

Оттон Владимир Богдашин иһитиннэрбитинэн, ааспыт нэдиэлэҕэ Дьокуускай куоракка гириибинэн уонна ОРВИ-нан 4600 киһи ыарыйда. Кинилэртэн 82% — оҕолор.

Былырыыҥҥы сылы кытта тэҥнээтэххэ, бу дьаҥнарынан ыалдьыы быйыл аҕыйах. Былырыын бу кэмҥэ оҕо балыыһатыгар сүүстэн тахса оҕо сыппыт буоллаҕына, быйыл – 35 оҕо. Оҕо балыыһатыгар Азияттан кэлбит 3 оҕо киирбититтэн 2 оҕо таҕыста, үһүс оҕо харантыыҥҥа түбэстэ.

Надежда ЕГОРОВА, “Саха сирэ”, edersaas.ru

+1
0
+1
0
+1
0
+1
0
+1
0
+1
0
+1
0