Оҕуруот аһын атыылааччыга саба түһэн, харчы түүрэйдээбит урдустары туттулар (ВИДЕО)

Ааптар: 
Бөлөххө киир:

Бу быһылаан бэҕэһээ, ыам ыйын 23 күнүгэр, Дьокуускай куоракка буолбута — оҕуруот аһын атыылыыр киоскаҕа биллибэт дьон быһахтаах, биталаах саба түспүттэрэ.

edersaas.ru

СӨ ИДьМ-тын пресс-сулууспата иһитиннэрбитинэн, ыам ыйын 23 күнүн киэһэтигэр Сэбиэскэй Аармыйа  50 сыла уулуссатыгар оҕуруот аһын атыылыыр киоскаҕа итирик урдустар киирэн кэлбиттэр. Уонна 24 саастаах атыылааччыны быһаҕынан, битанан куттаан туран, харчытын биэрэригэр модьуйбуттар.

Онтон витринаны алдьатан, атыылааччыны битанан хаста да охсон-кырбаан баран,  22 тыһ. солк. харчы баарын ылан тахсыбыттар.

Полицияҕа бу быһылаан туһунан иһитиннэрии киирээтин, ориентировка бары нэрээттэргэ ыытыллыбыт.

Талааһыҥҥа уорбаланааччылары сотору буолан баран, Росгвардия управлениетын полицейскайдара уонна Дьокуускай куорат полициятын талааһыны арыйар отделениетын оперативниктара туппуттар. Онон, бу ыар буруй «сылааһына» арыллыбыт.

31 уонна 29 саастаах талабырдьыттар былдьаабыт харчыларынан арыгы атыылаһаары сылдьыбыттар.

Бу чахчынан РФ Холуобунай кодексатын 162-с ыст. 2-с чааһынан, ол эбэтэр, сэби-сэбиргэли туттан, эрдэттэн киксибит бөлөҕүнэн талааһын бэлиэтэ баарынан, холуобунай дьыала тэриллибит.

Биһиги корр., «Саха сирэ» хаһыат, edersaas.ru

Хаартыска уонна видео: СӨ ИДьМ-тын пресс-сулууспата.

+1
0
+1
0
+1
0
+1
0
+1
0
+1
0
+1
0