Сунтаар Арыылааҕар таас оскуола тутуутугар күргүөмнээх үлэ бара турар. Сотору кэминэн, Билии күнүгэр, тупсаҕай оҥоһуулаах киэҥ-куоҥ саҥа оскуола аанын тэлэччи арыйыаҕа.
edersaas.ru, Ньургуйаана Харчасова
Күүтүүлээх-кэтэһиилээх баараҕай тутуу үп-харчы боппуруоһугар ыктаран, тутуу ситэ ыытыллыбакка, уһун болдьоххо тохтоон турбута. Ол эрээри социальнай суолталаах тутууга «АЛРОСА» хампаанньа дивиденин харчытыттан 200 мөлүйүөн солкуобай аттарыллан, тутуу силигин ситтэ. Үлэни «Сунтарцеолит» тэрилтэтэ ыытар.
Билигин манна ис-тас үлэтэ хаалан турар. Нэһилиэк олохтоохторо улахан тутуу барарыгар төһө кыалларынан бэйэлэрэ күүс-көмө буолаллар.
Оскуола 80 миэстэлээх эрээри арыый да киэҥ. Онон 140-ча оҕо үөрэнэр кыахтаах диэн тутааччылар этэллэр.
Бу күһүн оскуола боруогун сүүсчэкэ оҕо атыллаан, үөрэнээччилэр саҥа дьиэҕэ үөрэниэхтэрэ.
edersaas.ru, Ньургуйаана Харчасова
+1
+1
+1
+1
+1
+1
+1