СӨ Наукатын аччыгый акдемиятын иитиллээччилэрэ саастыылаахтарын кытары куйаар ситиминэн 100 харахтаах дуобакка күрэхтэстилэр.
Күрэхтэһээччилэр ортолоругар КНР Ухань куоратыттан үөрэнээччилэр бааллар. Онлайн-турнир СӨ спортсменнарын кыайыытынан түмүктэннэ. Бу туһунан СИА иһитиннэрэр.
Күрэхтэһиигэ «Ленскэй кыраай» онлайн-лааҕырын 18 иитиллээччитэ кыттыбыт. Эдэр дуобатчыттар Санкт-Петербург, Белоруссия уонна Ухань спортсмен-оҕолорун кытары оонньообуттар.
—Ухань куоракка дуобат улахан оскуолата баар. Онно оҕолору Удмуртияттан тиийбит гроссмейстер, аан дойду уон төгүллээх чөмпүйүөнэ Алексей Чижов дьарыктыыр. Кинини кытары сибээстэһэммит күрэхтэһиини тэрийдибит. Кыттар оҕолор саастарынан араастар, холобур, биһиги саамай улахан спортсмеммыт 15 саастаах. Оттон Ухань куорат хамаандатыгар 20-лээх уол оонньоото. Биһиги оҕолорбут уопсай зачекка кыайдылар. Оттон саастыылаахтарга, Ухань хамаандатын кыра саастаах спортсменнара хоттулар. Маннык күрэхтэһиини биһиги аан бастаан тэрийдибит», — диэбит СИА Саха сирин сүүмэрдиир хамаандатын ыстаарсай тириэньэрэ Иван Павлов. Түмүккэ, Саха сирин хамаандатын сорох бэрэстэбиитэллэрэ от үлэтин үгэниттэн быыс булан кыттыбыттарын бэлиэтээн эппит.