Коронавирус дьаҥын кэмигэр, Дьокуускай куораттааҕы оҕо саадтара, үлэлэрин, дьарыктарын, оскуолалар курдук, интэриниэт ситиминэн тиһиктээхтик ыыта олороллор.
Кинилэр бааллар, халандаарга баар бэлиэ күнү көтүппэт дьон. Бу күн хайаан да анал сорудахтары толороннор уруһуйдууллар, пластилинынан сыбаан тугу эмэ оҥороллор, ыллыыллар, үҥкүүлүүллэр, хоһоон ааҕаллар, остуоруйа кэпсииллэр, о.д.а. элбэх.
Дьокуускайга 39 №-дээх «Ромашка»уһуйаан «Остуоруйа дойдута» бөлөҕүн иитиллээччилэригэр, уруһуйга эбии үөрэхтээһин педагога Любовь Федорова «Сир күнүн» көрсө, кырачааннар фантазияларын эбэн, хартыына оҥороллоругар сорудахтаабыт.
—Биһиги оҕону, төрөппүтү кытта ыкса ситимнээхтик, бииргэ үлэлииргэ болҕомтобутун уурабыт, — диэтэ. «Сир күнүгэр» анаан, эрдэттэн бэриллибит сорудахха, оҕолор үөрүүнэн оҥорбут үлэлэрин төрөппүттэр хаартыскаҕа түһэрэн ыыппыттарын, сибээһи итинник тутан олороллорун бэлиэтээтэ.
Хаартыскалар: Любовь Федорова тиксэриилэрэ