Оҕо поликлиникаларын 95 бырыһыаннара аныгы ирдэбилгэ эппиэттиэхтээхтэр
“Доруобуйа харыстабыла” национальнай бырайыак чэрчитинэн дьоһуннаах уонна ыйааһыннаах түмүктэр ситиһилиннилэр. Ол курдук, өрөспүүбүлүкэ 13 эмтиир тэрилтэтэ 100 аныгы тэрилинэн хааччылынна. Тэрил барыта национальнай бырайыак үбүнэн атыылаһылынна.
edersaas.ru
«Национальнай бырайыак чэрчитинэн биһиги сорукпут – эмтиир тэрилтэлэргэ оҕолорго (ол иһигэр, бастатан туран, инбэлиит оҕолорго) уонна төрөппүттэргэ сөптөөх усулуобуйаны тэрийии. Биһиги быраастарга сурутууну судургутутуохтаахпыт, кэтэһэр бириэмэлэрин кыччатыахтаахпыт, уопсайынан, дьон эмтиир тэрилтэҕэ кэлэригэр уонна доруобуйатын туругун бэрэбиэркэлэтэригэр табыгастаах уонна өйдөнүмтүө систиэмэни оҥоруохтаахпыт. Бырайыакка кыттар оҕо поликлиникаларын уонна оҕо поликлиникатын отделениеларын 95% аныгы ирдэбиллэргэ эппиэттиэхтээхтэр. Бу үлэ нэһилиэнньэҕэ оҥоһуллар мэдисиинискэй көмө табыгастаах буолуутун уонна хаачыстыбатын үрдэтиигэ хайысхаланар», — диэн СӨ доруобуйа харыстабылын миниистирэ Елена Борисова эмтиир тэрилтэлэргэ саҥа тэриллэри үөрүүлээх быһыыга-майгыга туттарыыга эттэ.
Надежда ЕГОРОВА, “Саха сирэ”, edersaas.ru
хаартыска Интэриниэттэн ылылынна