Чурапчы улууһун борокуратуурата РФ Силиэстийэлиир кэмитиэтин Чурапчытааҕы улуустар икки ардыларынааҕы силиэстийэлиир салаата содур киһиэхэ туһулаан силиэстийэлээбит дьыалатын буруйдуур түмүгүн бигэргэтэн, улуустааҕы суут көрүүтүгэр ыытта.
Бу 29 саастаах, ханна да үлэлээбэт, ойоҕо суох эрээри кыра оҕолоох киһи буруйданар ыстатыйата — РФ Холуобунай кодексатын 135-с ыст. 2-с чааһа, ол эбэтэр, оҕоҕо содур дьайыылары оҥоруу.
Силиэстийэ быһаарбытынан, Чурапчы улууһун биир нэһилиэгин олохтооҕо 2017 сыл ахсынньы 24 күнүттэн 29 күнүгэр диэри кэм иһигэр атын улууска олорор 13 саастаах уол оҕону кытары батсаап нөҥүө интимнэй ис хоһоонноохтук суруйсубут.
Суруйсуутун кэмигэр оҕону Чурапчыга ыҥыран, «гостиницаҕа кэллэххинэ бииргэ сытан хоонньоһуохпут» диэн этии киллэрбит. Эбиитин онно бэйэтин половой уорганын хаартыскаҕа түһэрэн ыыппыт. Ол суруйсууну оҕо аҕата төлөпүөҥҥэ түбэһэ көрөн, полицияҕа тыллаабыт.
Буруйданааччы 12 сыл анараа өттүгэр икки кыра саастаах уол оҕолору күүһүлээн, психиатрическай балыыһаҕа күһэлэҥ эмтэниины ыла сылдьыбыта быһаарыллыбыт.
Билиҥҥи судебнай-психиатрическай экспертиза киниэхэ психика өттүнэн туох да кэһиини булбатах.
Онон, буруйданааччыга 8 сылга диэри көҥүлүн быһыы накаастабыл ананыан сөп.
Иван Ядреев, Чурапчы улууһун борокуруора, юстиция сүбэһитэ.
Хаартыска: интэриниэттэн.