Ньурба — Сүлэ хайысханан суол саҥалыы уларытыллан оҥоһулларыгар 43 мөлүйүөн солкуобай көрүллүөҕэ.
edersaas.ru
Бу туһунан Ньурба улууһун баһылыга Алексей Иннокентьев социальнай ситим нөҥүө кэпсээтэ.
— Суол оҥоһуллуута “Тыа сирин территорияларын биир кэлим сайыннарыы” диэн федеральнай бырагырааманан үбүлэннэ. Ону таһынан, улуус бүддьүөтүттэн эбии 2 мөлүйүөн солкуобай көрүлүннэ. Барыта 4 килэмиэтир суол оҥоһуллуоҕа. Үлэ атырдьах ыйын 31 күнүгэр диэри бүтэрэ былааннанар. Суол оҥоһуллар болдьоҕун уонна хаачыстыбатын хонтуруоллуохпут.
2020 сылга тыа сиригэр уопсайа 20 килэмиэтиртэн тахса усталаах суол оҥоһуллара былааннанар. Суол өрөмүөнэ Хаҥалас, Ньурба, Таатта уонна Мэҥэ Хаҥалас улуустарыгар ыытыллыаҕа. Ыытыллар үлэлэргэ 488,3 мөлүйүөн солкуобай, ол иһигэр 387,2 мөлүйүөн федеральнай бүддьүөттэн көрүлүннэ.
Бу туһунан СӨ Nырааныспарга министиэристибэтин пресс-сулууспата иһитиннэрэр.
Ньургуйаана Иванова, “Саха сирэ” хаһыат, edersaas.ru
Хаартыска — mintrans.sakha.gov.ru