Ньурба бэтэринээрдэрэ эппэрээссийэлиир остуолу ыллылар

Ааптар: 
Бөлөххө киир:

Сөптөөхтүк тэриллибит усулуобуйа үлэ-хамнас тахсыылаах буолуутугар улахан оруоллаах.

edersaas.ru.
Бу сүөһү-сылгы, ыт уонна куоска доруобуйатын күннэтэ кэтиир, кинилэри араас ыарыылартан араҥаччылыыр исписэлиистэргэ, бэтэринээрдэргэ, эмиэ сыһыаннаах. Кинилэр саҥарыахтарын тыла суох сүөһүлэргэ, кыылларга диагноһы табатык туруоран, ыарыыны уталыппака эмтииллэригэр араас туттар тэриллэр уонна прибордар олус наадалар.
Ньурба улууһунааҕы Бэтэринээрийэ управлениета эппэрээссийэ оҥорор салаа материальнай баазатын хаҥатан, «Айболит классик 2» диэн кыра уонна орто кыыллары көрөргө-истэргэ, эппэрээссийэлииргэ анаммыт сэттэ остуолу атыылаһан, нэһилиэктэргэ баар учаастактарыгар туруорда. Даҕатан эттэххэ, кыра уонна орто кыыллары көрүү-истии үлэтин улахан өттө улуус киинигэр, Ньурба куоракка, ыытыллар. Ол курдук, манна бэтэринээрдэр ааспыт сыл түмүгүнэн 24 эппэрээссийэни оҥорбуттара.

Раиса Сибирякова, «Саха сирэ» хаһыат, edersaas.ru.

+1
0
+1
0
+1
0
+1
0
+1
0
+1
0
+1
0