Ньурбаҕа икки саҥа хочуолунай үлэҕэ киирдэ

Бөлөххө киир:

 Өрөспүүбүлүкэ үрдүнэн оттук сезона саҕаламмытын үрдүнэн саҥа хочуолунайдары үлэҕэ кииллэрии күүскэ барар.Нэдиэлэ саҥатыгар Ньурба куоракка «Амакинка» уонна «Новая -1» саҥа хочуолунайдары үлэҕэ (холбоон 24, 5 МВт кыамталаахтар) киллэрэр үөрүүлээх быһыыгы-майгыга буолан ааста.   Ааспыт нэдиэлэҕэ 12,5 МВт кыамталаах саҥа эбийиэк Амма сэлиэнньэтигэр киирбитэ.

Икки улахан хочуолунай «ОДьКХ» ГУП инвестиционнай бырагырааматын чэрчитинэн, 760 мөл. солк тутулуннулар. Бу үбү Европейскай баантан кирэдьиит ылбыттара. Итиинэн хааччыйар икки улахан эбийиэк үлэлээбиттэрин түмүгэр алта эргэ хочуолунай сабылынна.

«Амакинка» уонна «Новая -1» хочуолунайдар Ньурба куорат киинигэр баар дьиэлэри, социальнай тэрилтэлэри итиинэн хааччыйаллар. Ол аата 70 %-нын хабаллар. Кыһыҥҥы кэмҥэ эбийиэктэр сууккаҕа, ортотунан, 30-тан тахса туонна таас чоҕу туһаныахтара. Бары өттүнэн автоматизированнай хочуолунайдар үлэҕэ киирэн, Ньурба куоратын дьиэлэрэ быйыл кыһын быдан сылаас буолуохтара диэн эрэбин», – диэн «ОДьКХ» ГУП Ньурба улууһунааҕы филиалын кылаабынай инженерэ Антон Костин санаатын үллэһиннэ.

Санатар буоллахха, ааспыт биэс сылга Ньурба улууһун үрдүнэн 10-тан тахса саҥа хочуолунай тутуллан үлэҕэ киирбитэ. Ити түмүгэр киин ититэр ситимҥэ чааһынай дьиэни холбооһун сылын аайы үрдүү турарын туһунан улуустааҕы коммунальнай хаһаайыстыба үлэһиттэрэ бэлиэтииллэр. 

+1
0
+1
0
+1
0
+1
0
+1
0
+1
0
+1
0