Бу туһунан Өрөспүүбүлүкэ Борокуратууратын пресс-сулууспата иһитиннэрдэ.
Вера МАКАРОВА, «Саха сирэ», https://edersaas.ru/
Ньурба оройуоннааҕы суута быһаарбытынан, 2016 сыл атырдьах ыйыгар Ньурба куоракка 19 саастаах уол дьиэтигэр эдьиийин кытта кыыһырсан баран, кинини муостаҕа охторон, сирэйгэ, искэ сутуругунан хаста да охсубут-тэбиэлээбит.
Онон уоскуйбакка, аны тимир кыптыыйы ылан, эдьиийин кыра саастаах оҕотун, ол эбэтэр, бэйэтин сиэн быраатын өлөрөөрү сорунан, хос диэки барбыт. Дьахтар оҕотун туһуттан куттанан, ааны бүөлүү туран, кыптыыйы былдьаан ылан туора бырахпытыгар биирдэ тохтообут.
Суут мунньаҕын кэмигэр эдэр сууттанааччы буруйун толору билиммит, кэмсиммит.
Суут кинини РФ Холуобунай кодексатын 116-с ыстатыйатынан (кырбааһын) уонна 119-с ыст. 1 чааһынан (өлөрөрүнэн суоһурҕаныы) буруйдааҕынан билинэн, 9 сылга көҥүлүн быһары усулуобунайынан ааҕан, 3 сылга тургутар болдьоххо уурбут. Бириигэбэр сокуоннай күүһүгэр киирбит.
Вера МАКАРОВА, «Саха сирэ», https://edersaas.ru/
Хаартыска: интернеттэн.