2020 с. ыытыллар Бүтүн Арассыыйатааҕы нэһилиэнньэ биэрэпиһигэр бэлэмнэнии быһыытынан, алтынньы 1 күнүттэн барыллаан биэрэпис саҕаланна. Барыллаан биэрэпис икки түһүмэҕинэн ыытыллар. Алтынньы 1 — 10 күннэригэр ыытыллар бастакы түһүмэххэ gosuslugi.ru учуотугар киллэриллибит Арассыыйа хас биирдии олохтооҕо кыттыан сөп, онуоха электроннай көрүҥүнэн биэрэпис илииһигэр бэйэтин уонна дьиэ кэргэнин суруйуон наада. Иккис түһүмэххэ Арассыыйа Федерациятын тоҕус субъектарыгар уон муниципальнай тэриллии, ол иһигэр Саха Өрөспүүбүлэкэтигэр “Хаҥалас улууһа” муниципальнай тэриллии хабыллар.
Нэһилиэнньэ барыллаан биэрэпиһин түмүгүнэн Бүтүн Арассыыйатааҕы нэһилиэнньэ биэрэпиһин бүддьүөтэ саҥаттан көрүллүөҕэ, судаарыстыба өҥөтүн кэлим порталын үлэтин таһыма итиэннэ интернетинэн биэрэпис технологиятын көдьүүһэ быһаарыллыахтара.
Раиса Сибирякова, «Саха сирэ» edersaas.ru.