Учуутал Мария Насырова аатыгар сүгүрүйэбит

Ааптар: 
Бөлөххө киир:

Кулун тутар 12 күнэ. Мүрү 1-кы нүөмэрдээх орто оскуолата оҕо саҥатынан көйгүөрэн олорор. Бу Саха АССР үтүөлээх учуутала, тыыл, педагогическай үлэ бэтэрээнэ Мария Семеновна Насырова төрөөбүтэ 100 сылыгар аналлаах алын сүһүөх кылааһын оҕолоругар хомуур биридимиэттэргэ олимпиада саҕаланаары турар.

edersaas.ru

Сарсыарда 8.30 чаастан бэлиэтээһин саҕаланна. Оҕолор учууталларын кытта сиэттиспитинэн ыраах, чугас сытар 22 нэһилиэктэн 208 оҕо биирдэ кутуллан кэллэ, сирэйдэрэ-харахтара боччумурбут. Күөн күрэс уратыта диэн барыйааннардаах уонна 2 кылаас оҕолоругар, кырачаан дьоҥҥо ыытылынна.

Олимпиаданы Уус Алдан улууһун үөрэҕин управлениетын салайааччыта Ирина Михайловна Тарская, Мүрү 1-кы нүөмэрдээх орто оскуолатын дириэктэрэ Степан Моисеевич Литвинцев уоттаах-күөстээх, төлөннөөх тылынан арыйдылар. М.С. Насырова сиэнэ Татьяна Дмитриевна Саввинова оҕолорго, учууталларга ситиһиини баҕарда.

Дьэ, бу кэннэ эппиэтинэстээх учууталлары анаталаатылар, оҕолор кылааһынан арахсан олордулар, олимпиада саҕаланна.

Оҕолор эбиэккэ диэри кэлбит соруктарын толорон баран араас оонньуулары оонньоон, түмэлгэ сылдьан, киинэ көрөн, киэҥ-куоҥ сиргэ кэлбиччэ сүүрүөх-көтүөх санаалара киирдэ. Хайыаххыный, оҕолор эбээт…

Маны тэҥэ, үһүс төгүлүн ыытыллар Насыровскай ааҕыыга 11 учуутал кытынна. Кэрэхсэбиллээҕэ диэн өрөспүүбүлүкэ, Арассыыйа таһымыгар кыттан миэстэлэспит учууталлар кэлбиттэр.

Дьүүллүүр сүбэҕэ М.С. Насырова үөрэппит оҕото, педагогическай үлэ бэтэрээнэ, РФ норуотун үөрэҕириитин туйгуна, учууталлар учууталлара, СӨ үөрэҕириитин систиэмэтин бочуоттаах бэтэрээнэ Анна Колесова, СӨ оскуолаларын үтүөлээх учуутала, методист-учуутал, СӨ үөрэҕириитин систиэмэтин бочуоттаах бэтэрээнэ Светлана Ушницкая уонна Мария Насырова сиэнэ, “Сахат” чааһынай оскуола алын кылааһын учуутала Татьяна Саввинова олордулар.

Муҥутуур кыайыылааҕынан Мүрү 1-кы нүөмэрдээх орто оскуолатын англия тылын учуутала Анастасия Ивановна Новогодина буолла. Бастакы миэстэни Танда орто оскуолатын алын сүһүөх учууталлара Анна Дмитриевна Никифорова, Мария Ильинична Готовцева ыллылар. Иккис миэстэҕэ Тулуна орто оскуолатыттан Людмила Ивановна Жиркова таҕыста. Суотту орто оскуолатыттан Татьяна Гаврильевна Габышева үһүс миэстэлэннэ. Кыайыылаах учууталларга М.С. Насырова аймахтара “ЭПЛ” маҕаһыыныттан бриллианнаах кыһыл уонна үрүҥ көмүс киэргэллэри бэлэхтээтилэр.

Оҕолорго түмүк маннык буолла:

Иккис кылаас, I бөлөх

1 м. Инесса Бочкарева (МСОШ-1, учуутала Е.Д. Васильева), 2 м. Виолетта Семенова (МСОШ-1, учуутала Е.Д.Васильева), Уйгууна Колесова (Лөгөй, учуутала В.Г.Нафанаилова), 3 м. Эмилия Аргунова (МСОШ-2, учуутала С.Л.Атласова), Семен Петров (Лөгөй, учуутала В.Г.Нафанаилова), Вилена Васильева (МСОШ-1, учуутала Е.Д.Васильева).

Иккис кылаас, II бөлөх

1 м. Арчын Павлов (Бээрийэ, учуутала Н.В.Атласова), 2 м. Амелия Черкашина (Мындааба, учуутала Г.С.Бурнашева), Арылхан Егоров (Тумул, учуутала В.П.Петрова), 3 м. Дайаана Гуляева (Чараҥ, учуутала М.Д.Горохова), Нарыйаана Копырина (МСОШ-1, учуутала Е.Д.Васильева), Күндүл Осипов (МСОШ-2, учуутала В.Д.Петрова).

Үһүс кылаас, I бөлөх

1 м. Кристина Атласова (Өнөр, учуутала А.А.Лукачевская), 2 м. Мичийэ Бурнашева (МСОШ-1, учуутала Н.Н.Портнягина), Авелина Ушницкая (Тулуна, учуутала Т.И.Дегтярева), 3 м. Алена Седалищева (МСОШ-1, учуутала Н.Н.Портнягина), Вася Нафанаилов (Суотту, учуутала Т.Г.Габышева), Нарыйаана Стрекаловская (Майаҕас, учуутала Е.Г.Стручкова).

Үһүс кылаас, II бөлөх

1 м. Намыына Адамова (МСОШ-2, учуутала Н.И.Готовцева), 2 м. Оля Шестакова (МСОШ-1, учуутала М.Г.Константинова), Сайаана Протопопова (Өнөр, салайааччы А.А.Лукачевская), 3 м. Семен Гуляев  (Уһун Күөл, учуутала Ю.Р.Лыткина), Нелли Федорова (салайааччы Т.Р.Федорова), Грета Левина (Курбуһах, учуутала А.Г.Предязникова).

Төрдүс кылаас, I бөлөх

Уйгун Портнягин (МСОШ-1, салайааччы Е.Г..Ноговицына, 2 м. Дайаана Абрамова (Суотту, учуутала Е.И.Степанова, Егор Копырин (Лөгөй, салайааччы Н.И.Протопопова), 3 м. Нарыйа Константинова (Найахы, учуутала С.А.Аргунова), Сайаана Заболоцкая (МСОШ-1, салайааччы А.С.Колодезникова).

Төрдүс кылаас, II бөлөх

1 м. Мичийэ Андросова (Бэйдиҥэ, учуутала И.Г.Алексеева), 2 м. Мариника Попова, салайааччы Е.Ноговицына), Эдгар Черноградскай (Өнөр, учуутала Э.Н.Федорова), 3 м. Илона Новоприезжая (Саһылыкаан, салайааччы Э.Е.Бурнашева, Саша Васильева (Найахы, учуутала С.А.Аргунова), Карина До (МСОШ-2, салайааччы Т.И.Дегтярева).


Тэрээһин түмүктүүр чааһыгар Мария Семеновна кыыһа Роза Константиновна Горохова  махтал тылын эттэ. Оҕолорго наҕарааданы М.С. Насырова сиэнэ, “Уолан” гимназия нуучча тылын уонна литэрэтиирэтин учуутала Марфа Дмитриевна Саввинова туттарда. Хос сиэннэр Коля Саввинов, Роза Сидорова күүс-көмө буоллулар.

Ити курдук киэҥ далааһыннаах тэрээһин буолан ааста. Түмүккэ эбээбит М.С.Насырова төрөөбүтэ 100 сылыгар аналлаах тэрээһин үрдүк таһымнаахтык ыытыллыбытынан Уус Алдан үөрэҕин управлениетын салайааччытыгар И.М.Тарскаяҕа уонна Мүрү 1-кы нүөмэрдээх оскуолатын дириэктэригэр С.М. Литвинцевкэ, дириэктэри солбуйааччы В.Л.Васильеваҕа, тэрийээчилэргэ Н.Н.Портнягинаҕа,  А.К.Шубинаҕа, дьүүллүүр сүбэ чилиэннэригэр А.Н.Колесоваҕа, С.П.Ушницкаяҕа, ассистеннаабыт, түмүк таһаарбыт, бэлиэтээһиҥҥэ олорбут, тэрээһини ыыппыт учууталларга, кыттыбыт оҕолорго барыгытыгар ис сүрэхпититтэн Мария Семеновна Насырова кыыһын, сиэннэрин, хос, хос хос сиэннэрин, бары аймахтарын ааттарыттан дириҥ махталбытын тиэрдэбит. Оскуолаҕыт аата куруук ааттана турдун,  инники күөҥҥэ сырыттын, үлэҕит үтүө түмүктэрдээх буоллун.

edersaas.ru саайтка анаан Александра СОЛОВЬЕВА.

+1
0
+1
0
+1
0
+1
0
+1
0
+1
0
+1
0