Нам улууһугар тутуу үлэлэрэ саҕаланнылар

Ааптар: 
Бөлөххө киир:

Нам улууһугар күн-дьыл туран, тутуу үлэлэрэ саҕаланнылар.

 edersaas.ru

Тутуу үлэлэрин туругун көрө, куораттан тутуу министиэристибэтин иһинэн үлэлиир «Служба государственного заказчика РС(Я)» ГКУ тиэхиньичэскэй отделын начаалынньыга Константин Хойутанов уонна тутуунан дьарыктанар тэрилтэлэр бэрэстэбиитэллэрэ таҕыстылар.  Кинилэри кытта улуус баһылыга Юрий Слепцов, улуустааҕы тутуу уонна архитектура управлениетын начальнига Петр Эверстов, Хамаҕатта нэһилиэгин баһылыга Иван Максимов, Хатыҥ Арыы нэһилиэгин баһылыга Иван Ноговицын, «Чороон» КК дириэктэрэ Саргылана Пономарева тутуу буолар сирдэригэр сылдьан балаһыанньаны билистилэр.

Хамаҕаттаҕа 220 миэстэлээх, интэриниэттээх оскуола тутуутун үлэтэ саҕаламмыт. Билигин тутууга 11 киһи үлэлии сылдьар, бу нэдиэлэҕэ өссө 13 киһи тиийиэхтээх. Бары мэдиссиинискэй көрүүнү ааспыттар. Коронавирус дьаҥыттан сылтаан графиктан кыратык хаалыы баар, ону ситэргэ сыал-сорук турар.

Ону тэҥэ, Аппааныга тутуллуохтаах иккис этээстээх култуура дьиэтин сыбаайатын көрдүлэр. Куонкурус түмүгүнэн бэдэрээтчитинэн «СТК» ХЭТ буолла. Бу күннэргэ үлэ саҕаланыахтаах.

Егор Карпов, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0