Бу күннэргэ VIII өрөспүүбүлүкэтээҕи «Якутия мастеровая» дьаарбаҥка-быыстапкаҕа норуот маастардара Саха сирин араас улуустарыттан – хотуттан-соҕурууттан, илинтэн-арҕааттан түмсэн, кытыннылар.
Холобур, Үөһээ Бүлүүттэн сэлэлии хаамыыга 11 киһи кэлэн кыттыыны ылла. Салайааччы — Ирина Потапова. Сайынын ыһыахтарга, кыһынын араас тэрээһиннэри ыытан, уран тарбахтаахтар бэйэлэрин баҕаларынан саха таҥаһын тиктэн, кэлэр көлүөнэ ыччакка көрдөрөн, үөрэтэн, утумнаахтык тиэрдэллэр. Иистэнньэҥнэр кыбытыгынан улахан панно оҥорбуттара кэрэхсэнэр.
Оттон бу — Уус Алдан улууһун Суотту нэһилиэгин «Илгэ» фольклорнай ансаамбылын чилиэннэрэ. Салайааччы — Лидия Пермякова.
Өрүү даҕаны бу курдук, саха ииһин-мындырын тэнитэ-тарҕата сылдьыҥ!
Валентина ВАСИЛЬЕВА, өрөспүүбүлүкэтээҕи “Эйгэ” уопсастыбаннай тэрилтэ салайааччыта.