Күнүс 12 чаастааҕы туругунан, Чурапчы улууһун Мындаҕаайы нэһилиэгэр Амма өрүскэ халаан уута муҥутуур кирбиигэ тиийэн эрэр. Уу билигин да тахса турар.
edersaas.ru
“Муҥутуур кирбиибит 1350 см буоллаҕына, билигин уу таһыма 1305 см тэҥнэстэ. Уу 14-15 миэтэрэҕэ диэри тахсыан сөп диэн эрдэттэн сэрэппиттэрэ. Онон нэһилиэнньэ бары бэлэм олоробут. Өрүс мууһа барда, хара уу кэлэ турар”, — диэн иһитиннэрэр edersaas.ru сайтка нэһилиэк баһылыга Анна Флегонтова.
Оттон Мырылаҕа муҥутуур кирбиилэрэ 15,1 м буоллаҕына, билигин уу 15 м диэри таҕыста. Таатта улууһун Даайа-Амматыгар 970 см (1200 см), Харбалаахха – 925 см (1000 см), Чымнаайыга – 1154 (1223 см).
Аграфена КУЗЬМИНА, “Саха сирэ” хаһыат.
+1
+1
+1
+1
+1
+1
+1