Дьокуускайдааҕы куорат суута Национальнай ойуулуур-дьүһүннүүр мусуой холуобунай дьыалаҕа тардыллан уһуллубут үлэһиттэриттэн оҥорбут хоромньуларын өрөспүүбүлүкэ бүддьүөтүгэр төлөттөрдө. Бу туһунан бэс ыйын 4 күнүгэр суут саайтыгар тахсыбыта.
edersaas.ru
Өйдүүргүт курдук, бу тэрилтэ үбүн дьаһайар дириэктэр, бухгалтер уонна каадыр салаатын үлэһитэ хас даҕаны сыл устата куомуннаһан, бөдөҥ суумалаах үбү уорбуттара дакаастаммыта. Кинилэр харчыны уорараары, суох дьону биэдэмэскэ киллэрэн, кинилэргэ хамнас ааҕан, бэйэлэригэр иҥэриммиттэрэ биллибит.
Ону таһынан 2013 сыл алтынньытыттан 2017 сыл ыам ыйыгар диэри аймахтарын үлэҕэ ылбыт курдук суруйбуттар уонна кинилэргэ ааҕыллыбыт хамнастары эмиэ бэйэлэригэр иҥэриммиттэр. Уопсайа өрөспүүбүлүкэ бүддьүөтүттэн 40 мөлүйүөн солкуобай кэриҥэ хоромньуну оҥорбуттара дакаастаммыта.
Егор Карпов, «Саха сирэ» хаһыат, edersaas.ru
+1
+1
+1
+1
+1
+1
+1