Муома участковайын Василий Бурцевы өлөрүүгэ кыттыгастаах сууттанна

Ааптар: 
Бөлөххө киир:

Бүгүн СӨ Үрдүкү суутугар Муома улууһугар полиция участковайын Василий Бурцевы өлөрүүгэ кыттыгастаах Ефимовка бириигэбэр таҕыста.

edersaas.ru

Суут быһаарбытынан, полицейскайы үлэлиир сиригэр баламаттык өлөрүү 2016 сыл алтынньы 18 күнүгэр Муома улууһун Сааһыыр сэлиэнньэтигэр тахсыбыта. Силиэстийэ уорганнара бу чахчынан РФ Холуобунай кодексатын 317-с ыстатыйатынан холуобунай дьыала тэрийбиттэрэ. Ол эбэтэр, быраабы араҥаччылыыр уорган сотруднигын олоҕор суудайыы бэлиэтэ баарынан.

51 саастаах, түөрт оҕолоох участковай боломуочунай Василий Бурцевы өлөрүүгэ уорбаланааччылартан биирдэстэрин норуот дружинниктара туппуттара. Иккиһин, дьиҥнээх өлөрүөхсүтүн, ити күн сарсыардатыгар дьиэтигэр бэйэтигэр тиийиммитин булбуттара.

Бүгүн СӨ Үрдүкү суутун уурааҕынан, Н. участковайы быһаҕынан анньар кэмигэр тутан турбут киһи, ол эбэтэр, өлөрүүгэ кыттыгастаах Ефимов 18 сылга кытаанах эрэсиимнээх холуонньаҕа көҥүлэ быһылынна. Манна эбии 2 сылга көҥүлэ хааччахтанар итиэннэ 1 мөл. солк. суумалаах моральнай хоромньу төлүүр.

Вера МАКАРОВА, «Саха сирэ» хаһыат, edersaas.ru

Хаартыска: ааптар түһэриитэ.

+1
0
+1
0
+1
0
+1
0
+1
0
+1
0
+1
0