Кэбээйи улууһун Мукучу нэһилиэгэр «Сайылык» тыа хаһаайыстыбатын кэпэрэтиибэ П.А.Дьяконов салалтатынан таһаарыылаахтык үлэлиир.
edersaas.ru
Кэпэрэтиип үлэһиттэрэ коронавирус дьаҥыттан сэрэхтээх буолуу ирдэбилин кытаанахтык тутуһаллар: пиэрмэҕэ туора киһини киллэрбэттэр, хотон эркинин уонна үүт сыаҕын күн аайы хлордаах уунан сотоллор, үлэһиттэр харыстанар мааскалаах сылдьаллар.
— Барыта 234 ынах сүөһүлээх, ол иһигэр сүүстэн тахса ыанар ынахтаахпыт, – диир кэпэрэтиип исписэлииһэ Анна Гаврильева. – Сүөһүлэрбит этэҥҥэ кыстаатылар. Билигин төрүөх үгэнэ. Күннээҕи ыам 4 сэнтиниэртэн таҕыста. 40-тан тахса ньирэйдэннибит, туруктара этэҥҥэ. Үүппүтүн бэйэбит астаан батарабыт.
Кэбээйи Мукучутуттан Ия Им, «Саха сирэ» хаһыат, edersaas.ru саайтка анаан.
+1
+1
+1
+1
+1
+1
+1