Москваттан сценарист, киинэ режиссера маастар-кылаас ыытыа

Ааптар: 
Бөлөххө киир:

Москва куораттан киинэ режиссера уонна сценариһа Дьокуускайга маастар-кылаас ыытыа диэн иһитиннэрэллэр.


Чэппиэргэ уонна бээтинсэҕэ Lateral Summer устуудьуйа продюсера, киинэ уонна IT ыпсыыларыгар үлэлиир  Антон Уткин маастар-кылаас ыытара былааннанар. Кини интерактивнай сторителлинг диэн тугун быһаарыаҕа,  итинэн сирдэтинэн киинэ,  компьютернай оонньуулар, рекламалар сценарийдарын хайдах толкуйдуурга үөрэтиэ. Сторителлинг холобурдарынан театральнай айымньылар, киинэлэр, рекламалар, компьютернай оонньуулар, бэл, инстаграм-сториз сиэрийэлэриттэн да буолуохтарын сөп. Ол гынан баран, холобур, кэпсээҥҥэ көрөөччү болҕомтотун хайдах тардыахха сөбүй? Маастар-кылаас сүрүн тирэҕинэн итилэр буолуохтара.

Маастар-кылааска дьарык 1,5-лыы чааһынан икки төгүллээн ыытыллыа.  Бастакы дьарык — бырайыактар питчиннэрэ. Манна сторителлинг сүрүннэрин туһунан сырдатыахтара, интерактивнай сторителлинг туһунан кэпсиэхтэрэ.  Бэйэлэрэ матырыйааллаах, бырайыактаах кэлбиттэр бу илдьэ кэлбит үлэлэрин туһунан сырдатыахтара уонна  «дьиэтээҕи сорудах» ылыахтара.  Оттон иккис дьарыкка  ону ырытыахтара. Тэрээһин кинодраматургияҕа чугаһынан,  маастар-кылаас, бастатан туран киинэ режиссердарыгар, драматургиянан  дьарыктаныан, продюсердыан баҕалаахтарга, сэҥээрээччилэргэ ананар.  Уопсайынан бу дьарык сторителлинг саҥа  форматын баһылыан баҕалаах продюсердарга, шоураннер буолуон баҕалаах сценаристарга, реклама форматыттан тахсыан баҕалаах копирайтердарга, мультимедийнай сторителлини сэҥээрэр суруналыыстарга, реклама ырыынагын исписэлиистэригэр  туһалаах уонна интэриэһинэй буолара саарбахтаммат. Маастар-кылаас кыттыылаахтара  саҥа цифровой  форматтарга (веб-сериаллар, кылгас метрдар,  нарративнай интерактивнай бырайыактар), аныгы медиаландшафка, аудитория уратытыгар, бырайыагы толору оҥорон таһаарыыга  хайдах үлэлиири билсиэхтэрэ. Ону сэргэ кинодраматургия сүрүннэрин  уонна сценарийынан үлэ туһунан билсиэхтэрэ.

Маастар-кылаас «Штаб» коворкинг-кииҥҥэ (Лермонтов уул.65)  күнүс 15.00 чаастан саҕаланар. Тэрээһиҥҥэ ким баҕалаах сылдьыан сөп.

Режиссер туһунан кылгастык.

Антон Уткин режиссура уонна сценарий хайысхатынан, дьыалатынан дьарыктаныан иннинэ, өр кэмҥэ  Арассыыйа уонна тас дойду хардарыта сибээстээх үлэлэригэр дизайнерынан уонна проектировщигынан  үлэлээбит.  Кини Lateral Summer устуудьуйатыгар «Все сложно» диэн Арассыыйа аан бастакы интерактивнай веб-сериала уонна  «Эффект Кесслера» интерактивнай киинэ уһуллубут. «Лето» диэн бэйэтин үһүс киинэтигэр  үбү краудфандинг көмөтүнэн хомуйбут. Антон Уткин билигин фантастиканы уонна драманы уһулар, компьютернай оонньууларга сценарий суруйар, лекция ааҕар уонна үөрэтэр.

Маастар-кылааска сылдьыан баҕалаахтар 8 963 785 11 10 нүөмэргэ эрийэн сиһилии билсиҥ.

+1
0
+1
0
+1
0
+1
0
+1
0
+1
0
+1
0