Арассыыйаҕа бүтэһик көрдөрүүлэринэн, 10 000-тан тахса киһи коронавируһунан сутуллубут.
“Муус устар 8 күнүгэр 1 459 саҥа ыалдьыбыт дьон эбилиннэ”, — диэн суһал штаб иһитиннэрэр. Бу иннинэ биир күн иһигэр саамай муҥутаан 1175 саҥа ыарыһаҕы бэлиэтээбиттэрэ. Оттон билигин Арассыыйа үрдүнэн ыалдьыбыт киһи ахсаана — 10 131.
Москваҕа коронавируска хаптарбыт киһи ахсаана 6 700-кэ тиийбит. Киин куоракка бүтэһик көрдөрүүлэринэн, 857 киһи саҥа ыалдьыбыта бэлиэтэммит. Муус устар 7 күнүгэр — 697 саҥа ыарыһаҕы булбуттара.
Москваҕа саҥа ыалдьааччылар улахан аҥаардара — 45 саастан аллараа саастаах дьон. Ол курдук, 857 саҥа түбэлтэ иһиттэн 3%-на оҕолор, 47%-на 18-тан 45-гэр диэри саастаахтар. Ыалдьыбыттар 35%-нара — 46-тан 65-гэр диэри саастаах дьон, 11% — 66-тан 80-гар диэри, 4% киһи — 80-тан үөһээ саастаахтар.
Эспиэрдэр этэллэринэн, бүтэһик сууккаҕа Москваҕа 43 ыарыһах үтүөрбүт. Оттон Арассыыйа үрдүнэн 118 короновируска ылларбыт киһи дьаҥтан толору өрүттүбүттэр.
Бүгүн коронавирус ыарыылаахтары Арассыыйа 81 эрэгийиэнигэр бэлиэтээбиттэрэ биллэр, дойду 4 эрэ эрэгийиэнэ ыарыыга сутулла илик.
Хаартыска — https://www.vedomosti.ru