Холуонньаларга бобуулаах маллары, ол эбэтэр, суотабай төлөпүөнү, итирдэр утаҕы, харчыны, наркотигы, көҥүллэммэт астары уо.д.а. киллэрэ-тиэрдэ сатааһын хам-түм тахсар.
РФ Накаастабылы толорор федеральнай сулууспатын Саха сиринээҕи управлениетын пресс-сулууспата иһитиннэрбитинэн, Мохсоҕоллоохтооҕу 6 №-дээх кытаанах эрэсиимнээх холуонньаҕа буруйун боруостаан олорор Б. диэн киһиэхэ Г. диэн гражданин баһыылка аҕалбыт.
Ол баһыылканы бэрэбиэркэлээһин түмүгэр, сэттэ суотабай төлөпүөнү, биир аккумулятордаах төлөпүөн батареятын уонна 500 г доруоһаны булбуттар.
Бу киһиэхэ административнай матырыйаал толоруллан, мировой суут көрүүтүгэр ыытыллыбыт.
Санатар буоллахха, маннык дьайыылары оҥорбут киһи РФ Административнай кодексатын 19.12-с ыстатыйатынан эппиэккэ тардыллар. Бу ыстатыйанан буруйдаммыт киһи 3 тыһ. солк. — 5 тыһ. солк. суумалаах ыстараап төлүүр.
Биһиги корр., «Саха сирэ» хаһыат, edersaas.ru
Хаартыска: РФ Накаастабылы толорор федеральнай сулууспатын Саха сиринээҕи управлениетын пресс-сулууспата.