“Мин доҕорум Гамлет” – Москваҕа драма тыйаатырыгар

Бөлөххө киир:


Cаха режиссера Сергей Потапов «Мин доҕорум Гамлет» испэктээгэ «Көмүс мааска-2019» национальнай театральнай бириэмийэ түөрт номинациятыгар киирэн, муус устар 8 күнүгэр А.Пушкин аатынан Москватааҕы драма театрын уораҕайыгар көрдөрдө.

edersaas.ru

Арассыыйа биллэр театральнай деятэллэрэ, кириитиктэрэ, биир дойдулаахтарбыт уонна Москва олохтоохторо көрө, сэргии кэллилэр.
Манна сыһыаран эттэххэ, араас сылларга «Көмүс мааскаҕа» кыттыбыттар эмиэ бу тыйаатырга көрдөрбүттэр. Чуолаан — Сергей Потапов 2005 сыллаахха Ионеско «Макбета”. Онон билэр истиэнэлэрэ, билэр сыаналара буолан биэрдэ.
900 миэстэлээх кырдьаҕас тыйаатыр саалыгар тобус-толору көрөөччү муһунна. Москваҕа кэлиэхпит иннинэ Дьокуускайга дьон эрийэн, билиэт көрдөөбүттэрэ. Ол курдук биһигини күүппүттэр, ол курдук Саха тыйаатырын сэргииллэр.

Шекспир айымньытынан туруоруллубут “Мин доҕорум Гамлет” испэктээк аан маҥнай 2018 сыл сайын сүрэхтэммитэ. Ол кэнниттэн көрөөччү араас биһирэбилин ылбыта. Сөбүлээбит да, сэмэлээбит да баара. Ол да буоллар, испэктээкпит “Хаарыан хампа кытылым…” X үбүлүөйдээх өрөспүүбүлүкэтээҕи театральнай бэстибээлгэ сүрүн бириэмийэ лауреата буолбута. Сергей Потапов «Режиссер үлэтэ» номинация хаһаайына, оттон испэктээк бэйэтэ лауреат аатын ылбыта. Онон, ыччаттарбыт «Хаарыан хампа кытылтан» кынаттанан, Москваҕа айаннаан кэллилэр.
Ону сэргэ, Москваҕа испэктээк маассабай сыаналарыгар М.Щепкин аатынан театральнай училище бастакы кууруһун оҕолоро кыттан сүрэхтэммиттэрэ кэрэхсэбиллээх.

Лена ТИМОФЕЕВА, “Саха сирэ”, edersaas.ru сайтка анаан

+1
0
+1
0
+1
0
+1
0
+1
0
+1
0
+1
0