Михаил Соров: «Кылгас кэм иһигэр балысхан ситиһиилэр»

Бөлөххө киир:

Бүгүн Ил Дархан Айсен Николаев Ил Түмэн пленарнай мунньаҕар судаарыстыбаннай былаас ситэриилээх уорганнарын ааспыт сыллааҕы үлэлэрин сырдатта. Бу кэнниттэн өрөспүүбүлүкэ олохтоохторо, улуустар баһылыктара санааларын үллэһиннилэр.

edersaas.ru

Таатта улууһун баһылыга Михаил Соров санаатын тиэртэ:

Ил Дархан Айсен Николаев  Ил Түмэн пленарнай мунньаҕар  2019 сылга  судаарыстыбаннай былаас ситэриилээх уорганнарын үлэтин-хамнаһын отчуоттаабытын  истэн баран, кылгас кэм иһигэр өрөспүүбүлүкэ сайдыытыгар балысхан үлэ ыытыллыбытын биһирии иһиттим.  Хоту дойду дьонун ыра санаалара буолбут тимир суол Аллараа Бэстээххэ тигинээн кэлэн, киин дойдуларга тахсар суол аһылынна.  Бу биллэн турар, сайдыыга улахан хардыы буолар. Уһук Илин федеральнай уокурук социальнай-экэнэмиичэскэй сайдыытыгар  ураты стратегическай суолталаах Өлүөнэ өрүс муостата Арассыыйа бэрэсидьиэнэ Владимир Путин  өйөбүлүн ылан тутуллар буолбута, Айсен Сергеевич салайааччы быһыытынан үрдүк таһымҥа турарын көрдөрөр. 

Ааспыт сылга тыа хаһаайыстыбатын сайыннарыыга  үлэ көдьүүстээхтик барбыта бэлиэтэннэ. Ынах-сүөһү, сылгы ахсаана лаппа эбиллибит.  Кыһыннары оҕуруот аһын үүннэрэн, нэһилиэнньэни сибиэһэй бородууксуйанан хааччыйар  усулуобуйа тэрилиннэ. 2021 сылтан кэтэх хаһаайыстыба  ыанар ынаҕын төбөтүгэр 35 тыһыынча солкуобай  субсидия уонна тэрээһиннээх хаһаайыстыбалар  туттарар үүттэрин 1 киилэтигэр  50 солкуобай бэриллэр  механизма оҥоһуллан, тыа хаһаайыстыбатыттан дохуоттанан олорор тыа сирин үлэһит дьонугар улахан көмө буолуоҕа.

Айсен Сергеевич өрөспүүбүлүкэни салайан кэлбит кылгас кэмигэр, сүҥкэн ситиһиилэр, сайдыыга дьоһун хардыылар оҥоһулуннулар. Тургутук да кытаанах буолла. Ууну, уоту, уонна көһүтүллүбэтэх өртүттэн соһуччу кэлбит  коронавирус дьаҥын утары турууга, бохсууга, толкуйдаммыт уонна дьайыылаах дьаһаллаах Ил Дарханнаах буоламмыт, кыайыылаах тахсыахпытыгар саарбахтаабаппын.

edersaas.ru

+1
0
+1
0
+1
0
+1
0
+1
0
+1
0
+1
0