Коронавирус дьаҥа тарҕамматын туһуттан ылыныллыбыт хааччахтыыр миэрэлэр бэс ыйын 14 күнүгэр диэри уһаатылар. Бу туһунан Ил Дархан уонна бырабыыталыстыба пресс-сулууспата иһитиннэрэр.
Тустаах ыйаахха Ил Дархан Айсен Николаев бүгүн, ыам ыйын 30 күнүгэр, илии баттаата.
Ол курдук, хааччахтыыр миэрэлэр улуустар икки ардыларынан сылдьар таксиларга, оптуобустарга уонна уу тырааныспарыгар уһаатылар.
Хайаатар даҕаны тутуһуллуохтаах бэйэни хааччахтаныы эрэсиимэ эбии Мэҥэ Хаҥалас улууһун Майа уонна Хара, Нам улууһун Ленскэй, Үөдэй, Искра, Модут, Никольскай, Партизан, Таастаах, Түбэ, Хамаҕатта, Хатыҥ Арыы, Хатырык, I Хомустаах, Маймаҕа, Бөтүҥ нэһилиэктэригэр киирдэ.
Хааччахтаныы эрэсиимэ киллэриллибит нэһилиэктэргэ тэрилтэлэр уонна урбаанньыттар, атыы-эргиэн, эрэстэрээн, кафе, остолобуой, баар, буфет, быстах аһыыр сирдэр үлэлэрэ тохтуохтаах. Арай, бэлэм аһы уонна полуфабрикаттары дьиэҕэ тиэрдэн биэрэр өҥө үлэлиэн сөп.
Ил Дархан ыйааҕын кытта сиһилии манна билсиҥ: sakha.gov.ru
edersaas.ru
ТАСС хаартыската.