Мэлдьэхсигэ Ийэ тыл күнүн бэлиэтээтилэр
Олох-дьаһах

Мэлдьэхсигэ Ийэ тыл күнүн бэлиэтээтилэр

Мэҥэ Хаҥалас улууһун академик Афанасий Чугунов аатынан Мэлдьэхси орто оскуолатыгар Ийэ тыл күн бэрт сэргэхтик бэлиэтээтилэр.

Елена ПОТОЦКАЯ, «Саха сирэ» хаhыат, edersaas.ru

Бу күн сарсыардаттан учууталлар уонна оҕолор сахалыы таҥнан, араас тэрээһиннэри ыыттылар. Ол курдук, учууталлар үөрэнээччилэрин алаадьылаах саламаатынан көрүстүлэр, оһохторун аһатан, сиэр-туом толордулар.  Күнүскү үөрэх түмүктэнээтин кытта, оһуохай саҕаланна, онтон саха аһын быыстапкатa буолла.

Кылааһынан саха аһын арааһын аҕалбыттар! Үрүҥ уонна эт ас көрүҥэ элбэҕинэн 2-с уонна 7-с  кылаастар тэҥнээхтэрин булбатылар. Оҕолор төрөппүттэрин кытта олус кыһаммыттар. Анна Герасимова салайар 2-с кылааһын үөрэнээччилэрэ саха аһын 39 көрүҥүн, оттон Нарыйа Барахова салайар 7-с кылааһа ас 27 көрүҥүн астаабыттар.

Онон Ийэ тыл күнүн Мэлдьэхси оскуолатын оҕолоро саха аһын тото-хана аһаан бэлиэтээтилэр.

Елена ПОТОЦКАЯ, «Саха сирэ» хаhыат, edersaas.ru

 

 

3
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

пять − пять =