“МегаФон” сүппүт дьону көрдүүргэ көмөлөһөр
Олох-дьаһах - ЭС - маны аах

“МегаФон” сүппүт дьону көрдүүргэ көмөлөһөр

Арассыыйа сүрүн суотабай оператора “Мегафон” хампаанньа сүппүт дьону көрдүүргэ анаан «МегаФон. Поиск» диэн саҥа өҥөнү олоххо киллэрдэ.

edersaas.ru

«МегаФон. Поиск» ситим көмөтүнэн, киһи сүтүөн иннинэ көрсүбүт, кэпсэппит дьонун тута билиэххэ сөп. Уонна ол дьоҥҥо сүппүт киһи туһунан иһитиннэриини, хаартысканы СМС-нан ыытар кыахтанныбыт. Бу саҥа ситими кулун тутарга Ис дьыала министиэристибэтин уонна “Лиза Алерт” сүппүт дьону көрдүүр этэрээти кытары толкуйдаан, боруобалаан оҥорбуттарын туһунан “МегаФон” хампаанньа генеральнай дириэктэрэ  Геворк Вермишян  Москва уобалаһыгар ыытыллыбыт быыһыыр-көрдүүр этэрээттэр Бүтүн Арассыыйатааҕы форумнарын кэмигэр иһитиннэрдэ.

Хампаанньа кулун тутар 24 күнүттэн саҕалаан бэс ыйын 18 күнүгэр диэри “Сүппүт дьону көрдүүр киин” АНО кытары боруобалааһын быһыытынан анал бырайыагы үлэлэттилэр. Ол курдук сүппүт дьону кытары алтыспыт, сүтүөхтэрин иннинэ көрсө сылдьыбыт дьоҥҥо СМС-иһитиннэриини ыыталаабыттар. Ол түмүгэр, 60 киһини көрдөөн буллулар.

«Сыллата Арассыыйаҕа 100 тыһыынча кэриҥэ киһи сүтэр. Мантан 30 тыһыынчата оҕолор. «МегаФон.Поиск» ситим сүппүт дьону түргэнник буларга көмөлөһүөҕэ», — диэн  Геворк Вермишян этэр.

edersaas.ru

1
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

11 − два =