Дьокуускай куорат 4-с №-дээх полиция салаатыгар спорт малын-салын атыылыыр маҕаһыынтан футбол мээчигин уорбуттарын туһунан үҥсүү киирдэ.
Суһал көрдөөһүн түмүгүнэн, холуобунай ирдэбил үлэһиттэрэ 34 саастаах Уус Алдан улууһуттан төрүттээх уорбаланааччыны туттулар. Уорбаланааччы буруйун билинэн, оҥорбут дьайыытын кэмсиммит. Кини кэпсээнинэн, атыы-эргиэн дьиэтин устун кэрийэ сылдьан футбол мээчигин көрөн ымсыырбыт. Атыыһыт аралдьыйбытынан туһанан, уорарга санаммыт. Уорбут мээчигин атыылыыыр былааннаах эбит.
Уорбаланааччы кыбартыыратын ньэҥньийэн, уоруллубут мээчиги былдьаатылар.
Арассыыйа Федерациятын холубунай кодексатынан «Уоруу» диэн 158 ыстатыйа 1 чааһынан холуобунай дьыала тэрилиннэ. Бу ыстатыйа көрдөрөрүнэн, икки сыл хаайыы болдьоҕор ууруллуон сөп.
Ульяна ЗАХАРОВА, edersaas.ru
+1
+1
+1
+1
+1
+1
+1