Иэстэһэн, массыынатын умаппыт
Бэрээдэк - Олох-дьаһах

Иэстэһэн, массыынатын умаппыт

Хаарыан «Тойота Лэнд Крузер» джип бүтүннүү уокка былдьаммыт. Хайа хара санаалаах буруйунан?

edersaas.ru

Уус Маайа полициятыгар биир киһи эрийэн, кини «Тойота Лэнд Крузер» массыынатын ким эрэ умаппытын эппит. 1 300 000 солк. сыаналаах джибэ чөлүгэр кыайан түһэриллибэт гына эмсэҕэлээбит.

Полицейскайдар бу буруйу оҥорууга уорбаланааччыны туппуттар — Томпоттон төрүттээх 40 саастаах киһи эбит.

Барыллаан быһаарыынан, ити быһылаан иннинэ бу икки киһи кыыһырсыбыттар. Онуоха уорбаланааччы өстөһөн уонна иэстэһээри, ити киһи тэлгэһэҕэ тоҥорон туруорар массыынатын суох оҥорорго санаммыт.

Уонна ити алдьатыылаах былаанын уталыппакка олоххо киллэрээри, киэһэ хараҥаҕа эмсэҕэлээччи тэлгэһэтигэр киирэн, «телогрейка» сону уоттаан баран, массыына үрдүгэр бырахпыт.

Бу чахчынан РФ Холуобунай кодексатын 167-с ыст. 2-с чааһынан, ол эбэтэр, киһи баайын-малын соруйан алдьатыы бэлиэтэ баарынан, холуобунай дьыала тэриллибит. Бу ыстатыйанан көрүллэр накаастабыл миэрэ — 5 сылга диэри болдьоххо көҥүлү быһыы.

Бу туһунан СӨ ИДьМ-тын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыскалар: СӨ ИДьМ-тын пресс-сулууспата. 

 

 

1
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

четыре × 4 =