«Маркс такси» соһуччу бэлэҕэ

Ааптар: 
Бөлөххө киир:

Үөрүү сиэттиспитинэн кэлэрин аппаанылар (Нам улууһа) холобурдарыттан көрүөххэ сөп. 


—Валентин Корчанов салайааччылаах «Маркс такси» онус сылын таһаарыылаахтык үлэлиир. Уолаттар төрөөбүт нэһилиэктэригэр, улуустарын киинигэр, атын да нэһилиэктэргэ үлэҕинэн дьону таһаллар, кыһалҕаны чэпчэтиһэллэр. Дьоҥҥо көмөлөһөн, өйөбүл буолан түүннэри-күннэри да сүүрэллэрэ элбэх. Арыт, кыһалҕалаахтарга, чэпчэтиилэри оҥороллор.

Бу таксига үлэлиир уолаттар 2005 сыллаахха бары бииргэ тутуспутунан Хатыҥ Арыы орто оскуолатын ситиһиилээхтик үөрэнэн бүтэрбиттэрэ.  Оскуолаларыгар ыытыллар тэрээһиннэргэ барытыгар кинилэр оччоттон көхтөөхтүк кытталлара, инники күөҥҥэ сылдьаллара, үтүө холобур буолаллара. Уолаттар оскуола паартатыттан түмсүүлээхтэр, бэйэ-бэйэлэригэр кыраларыттан хардарыта көмөлөсүһэр үтүө үгэстээхтэр, наһаа доҕордуулар. Оскуолаларын, нэһилиэктэрин туһугар бэриниилээхтэр.

Кинилэр билигин да бэйэ-бэйэлэрин тутуһан сылдьаллар.  Биир сүбэнэн төрөөбүт нэһилиэктэрин биллэр аатын ылынан, «Маркс такси» диэн буолан, күн бүгүҥҥээҥҥэ диэри түбүгүрэллэр, сүүрэллэр-көтөллөр. Эйэҕэстэрэ-сайаҕастара да үөрдэр.

Оҕолуун, улахан дьоннуун улаханнык долгуйан кэтэһэр бырааһынньыктарыгар, Саҥа дьылга, бу такси суоппардара сүбэлэһэн баран, кыттыһан элбэх оҕолоох ыалларга соһуччу бэлэхтэри оҥорон дьону-сэргэни наһаа үөртүлэр, — диэтилэр биир дойдулаахтара киэн туттан, улаханнык үөрэн туран.

+1
0
+1
0
+1
0
+1
0
+1
0
+1
0
+1
0