Бэҕэһээ Германия киин куоратыгар — Берлиҥҥэ саҕаламмыт чэпчэки атлетикаҕа Европа ХХIV—c чөмпүйэнээтигэр 50 дойдуттан 1 600 спортсмен сайыҥҥы олимпийскай көрүҥнэргэ илин былдьаһар.
Күрэхтэһиигэ, Арассыыйа чэпчэки атлетикаҕа федерацията 2015 сыл сэтинньитигэр допинг айдаанынан чэпчэки атлетика федерацияларын норуоттар икки ардыларынааҕы ассоциациятыттан быстах кэмҥэ таһаарыллыбытынан, дойдубут 29 атлета быйыл эмиэ нейтральнай былааҕынан кыттар.
Дьаадараны анньыыга Александр Лесной (20.47) уонна биллиилээх мадьыны Николай Колодко иитиллээччитэ Максим Афонин (20.33) төрдүс, бэһис көрдөрүүлээх финалга таҕыстылар. Тэҥнээн көрөргө эттэххэ, үһүс иһэр Михай Харатик (Польша) дьаадарыны 20.59 м бырахта. Манна Европа үс, аан дойду икки төгүллээх кыайыылааҕа Давид Шторль (Германия) бастаан иһэр.
Бүгүн, Москва бириэмэтинэн 20:33 чаастан Александр Лесной уонна Максим Афонин мэтээл иһин күрэстэһиэхтэрэ. Күрэхтэһиини Евроспорт ханаал толору көрдөрүөҕэ.
Роман ПОПОВ, «Саха сирэ» хаһыат, edersaas.ru