Арассыыйа оскуолаларыгар 2021 сылга диэри маассабай тэрээһиннэр тохтоотулар диэн ТАСС суруйар.
РФ Үөрэххэ миниистирэ Сергей Кравцов иһитиннэрбитинэн, балаҕан ыйын 1 күнүттэн үөрэх «очнай» форматынан саҕаланыаҕа, маныаха араас уларыйыылар киирдилэр.
«Оҕолор оскуолаҕа үөрэниэхтэрэ. Бу туһуттан оскуолаларга өрөмүөн, дезинфекция ыытыллар. Онон балаҕан ыйын 1 күнүттэн үөрэх саҕаланыаҕа», — диир миниистир. Кини этэринэн, былаас үөрэххэ саҥа усулуобуйалары толкуйдуу сылдьар.
Коронавирус усулуобуйатыгар үөрэх тэрилтэлэригэр үлэ санитранай-эпидемиологическай быраабылаларын тутуһуу туһунан дьаһалга Роспотребнадзор салайааччыта Анна Попова от ыйын 3 күнүгэр илии баттаабыта. Быраабылалар 2021 сыл тохсунньу 1 күнүгэр диэри тутуһуллуохтара. Манна оҕолору уонна улахан дьону температураларын мээрэйдээн анал сурунаалга бэлиэтээһин, ОРВИ ыарыы сибикилээхтэри изоляциялааһын, 1,5 м социальнай дистанцияны тутуһуу о.д.а. быраабылалар киирдилэр.
edersaas.ru
Хаартыска — СИА.