Маҥаны нэһилиэгин волонтердарыгар «Сервис Ойл» ХЭТ бэнсиининэн көмөлөстө
Өрөспүүбүлүкэ үрдүнэн волонтердар хаамсааһыннара күүскэ үлэлээн, амарах санаалаах ыччаттар кыаммат араҥаҕа, саастаах дьоҥҥо көмө буолаллар.
edersaas.ru
Маҕаһыынтан ас атыылаһан илдьэллэригэр үгүс өттүгэр волонтердар сатыы сылдьарга күһэллэллэр. Сорох нэһилиэк баһылыктара амарах санаалаах ыччаттарга утары баран, дьаһалта массыынатын биэрэн абырыыллар. Ол курдук, Горнай улууһун Маҥаны нэһилиэгин баһылыга Михаил Текеянов волонтердарга УАЗ массыынатын биэрэн, ыччаттар үлэлэрэ өссө тахсыылаах буолла. Холобур, ааспыт нэдиэлэҕэ 81 хамсааһыны оҥордулар.
Тыа сиригэр бэнсиин боппуруоһа кытаанах буолан, ыччаттар «Сервис Ойл» ХЭТ генеральнай дириэктэрэ Сергей Тихоновка ГСМ-нан көмөлөһөргө сурук суруйан ыытаннар, урбаанньыт 15 000 солк. сумалаах бэнсиининэн көмө оҥордо. Онон Сергей Леонидовичка Маҥаны нэһилиэгин эдэр ыччаттара уонна олохтоохторо барҕа махтал тылларын тириэртилэр.
edersaas.ru