Саха тыйаатырын артыыһа Иннокентий Луковцев 1 Маайынан Саха сирин олохтоохторун эҕэрдэлиир:
— Саха сирин олохтоохторун барыларын Маай бырааһынньыгынан эҕэрдэлиибин!
Дьэ, кырдьык, муокас кэмнэр кэлэннэр, олохтоммут үгэстэрбитин үлтү бутуйан кэбистилэр, сэлэлээн хаампат, мойуопкалаабат да буоллахпыт.
Мин тус бэйэм үлэ бырааһынньыгын тэлгэһэм иһигэр күүстээх үлэнэн көрсөр былааннаахпын. Дьоҥҥо эмиэ оннук көрсөллөрүгэр ыҥырыам этэ. Чааһынай дьиэлээхтэр олбуор иһигэр, кыбартыыраҕа олороочулар дьиэ да иһигэр, күргүөмнээх үлэ, убуорка ыыттахха, кыра да буоллар сэргэхсийии тахсара буолуо.
Күүтүөххэйиҥ, туох барыта ааһар кэмнээх, бу да дьаҥ ааһыаҕа.
Егор Карпов, edersaas.ru
Ааптар хаартыската.
+1
+1
+1
+1
+1
+1
+1