Ленскэй «Аартыга» үүккэ былаанын толорорго эрэллээх...
Олох-дьаһах

Ленскэй «Аартыга» үүккэ былаанын толорорго эрэллээх

Ленскэй улууһун Бэтинчэ нэһилиэгэр 2009 с. тэриллибит «Аартык» кэпэрэтиип 355 ынах сүөһүлээх, ол иһигэр 138 ыанар ынахтаах уонна 223 сылгылаах, ол иһигэр 124 биэлээх.

edersaas.ru
– От ыйын 14 күнүттэн окко киирдибит, – диир хаһаайыстыба салайааччыта Анжелика Новгородова.Былааммыт 800 туонна. Быйыл күөх үүнээйи ыстыбыт, онон сиилэстиэхпит. Итини таһынан, түөрт гектарга хортуоппуй олордубуппут уонна сылгыга анаан 20 гектарга эбиэс ыспыппыт. Былырыын үүккэ былааммыт 170 т этэ, ол эрээри ону 30 туоннанан аһары толороммут, быйыл 200 туоннаны туттарыахтаахпыт. Ону толоруохпут диэн эрэнэбин. Үүппүтүн «Батамайдааҕы» ХЭУоҕа туттарабыт, онон күн аайы бэйэлэрэ кэлэн, илдьэ бараллар. Улуус дьаһалтата тыа хаһаайыстыбатыгар улахан болҕомтотун уурар. Ааспыт өттүгэр ыанар ынахха 10 тыһ. солк. субсидия көрүллэр буоллаҕына, 2019 сылтан 20 тыһ. буолла, ону таһынан биир киилэ үүккэ 70 солк. көрүллэр, оттон соҕотуопсук 10 солк төлүүр. Ити биһиги сайдарбытыгар улахан тирэх буолар. Кирэдииккэ иэспитин төлөөн бүтэрдэхпитинэ, туспа ньирэй титиигин туттуохпутун уонна сүөһүбүт ахсаанын элбэтиэхпитин баҕарабыт.

Кэпэрэтиип Тыа хаһаайыстыбатын министиэристибэтин бырагырааматынан, былырыын 120 ынахха анаммыт саҥа хотону туттан киллэрбитэ. Ити курдук, тыа сирэ иннин диэки хардыылыыр: илии ыарахан үлэтин чэпчэтэр саҥа технологиялар киирэллэр. 

Ленскэйтэн Анна Кожевникова, «Саха сирэ» edersaas.ru

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

8 − 6 =