Ленскэйгэ саҥа лаборатория арыллыаҕа

Бөлөххө киир:

СӨ бырабыыталыстыбатын бэрэссэдээтэлин солбуйааччы Ольга Балабкина бүгүҥҥү эпидемиологическай балаһыанньаны билиһиннэрдэ.

“Үс ыарыһах ыарахан туруктаах. Биир киһи ИВЛ-аппаракка холбонон сытар. Ленскэйгэ уонна Алдаҥҥа ыарыһахтар үтүөрэн, балыыһаттан тахса тураллар. Бүгүн биир ыарыһах Мииринэй инфекционнай балыыһатыттан тахсара күүтүллэр. Сунтаар улууһугар баар баахтабай бөһүөлэктэн 10 анаалыс Дьокуускайга кэллэ. Түмүктэрэ бу сотору биллиэҕэ.

Ленскэй улууһугар эбии ыалдьыбыт киһи  суох. Манна Чайыҥдатааҕы ньиэп-гаас хостуур сиргэ эрэ саҥа ыарыһахтар тахсаллар. Ол да буоллар Ленскэйгэ саҥа лаборатория арыллыаҕа», — диэн Ольга Балабкина иһитиннэрдэ.

Ньургуйаана Иванова, “Саха сирэ”  хаһыат, edersaas.ru

Хаартыска — интэриниэттэн.

+1
0
+1
0
+1
0
+1
0
+1
0
+1
0
+1
0