Үлэлиир биэнсийэлээхтэр «больничнайдарын» ыам ыйын 29 күнүгэр диэри уһатыахтарын сөп

Коронавирус дьаҥынан сибээстээн дьиэҕэ олоруу эрэсиимин тутуһар 65-тэн үөһээ састаах  гражданнар (дьиэҕэ олорон үлэҕэ көспөтөхтөр уонна уоппускаҕа олорбот дьон)  ыам ыйын 12 күнүттэн  29 күнүгэр диэри  болдьохтоох «электроннай  больничнайы»  оҥотторуохтарын  сөп.

edersaas.ru

Ол курдук, бырабыыталыстыба «больничнайы»  оҥотторуу  быраабылаларыгар уларытыылары киллэрдэ.

Дойду Аҕа баһылыга ыам ыйын 11 күнүгэр ыыппыт сүбэ мунньаҕар  65-тээх уонна онтон үөһээ саастаах дьон дьиэҕэ олоруу эрэсиимин хайаан да  тутуһалларыгар эппитэ.

“Больничнай лиис”  Социальнай страховкалааһын пуондатыттан быһа төлөнөр. Ол аата, маннык «больничнайга» үлэни биэрээччи, тэрилтэ харчыта буолбакка, пуонда бүддьүөтүттэн төлөнөр.

«Больничнайы” ааҕыы орто хамнас уонна үлэ ыстааһын кээмэйиттэн тутулуктаах. Холобур, 8 сылтан элбэх ыстаастаах үлэһиттэр орто хамнастарын 100%-нын ылаллар.

Социальнай страховкалааһын Саха сиринээҕи салаата

edersaas.ru